వేసవి కాలం ఇప్పటికే ప్రారంభమైంది. ఈ సీజన్ లో తగినంత నీరు అందకపోతే బాడీ డీహైడ్రేషన్ కి గురవుతుంది. అంతేకాదు.. మీరు ఎండాకాలంలో హీట్ వేవ్ బారిన పడే అవకాశముంది. శరీరంలో వేడిని తగ్గించడంలో సబ్జా గింజలు అద్భుతంగా పని చేస్తాయి. ఇందులో ప్రోటీన్స్, ఫైబర్, ఆరోగ్యకరమైన కొవ్వులు, పిండి పదార్థాలు పుష్కలంగా ఉంటాయి. సబ్జా గింజలను పచ్చిగా తినలేం. వీటిని నీటిలో నానబెట్టిన తరువాత తీసుకుంటే మీరు అద్భుతమైన ప్రయోజనాలను పొందుతారు.
Advertisement
ఎన్నో రకాల వ్యాధులను నయం చేయడంలో సబ్జా గింజలు ఉపయోగపడుతాయి. సబ్జా గింజల ప్రయోజనాలు ఏంటో మనం తెలుసుకుందాం. సబ్జా గింజల్లో అల్ఫా-లినోలెనిక్ యాసిడ్ ఉంటుంది. ఇది మీ బరువు తగ్గించడంలో సూపర్ పని చేస్తుంది. ఆకలి కూడా పెద్దగా వేయదు. ఇవి డయాబెటిక్ రోగులకు వరమనే చెప్పాలి. రక్తంలో షుగర్ లెవల్స్ ని తగ్గించడంలో అద్భుతంగా పని చేస్తాయి. సబ్జా గింజలు ఉదర సంబంధిత వ్యాధులను దూరం చేస్తాయి.
Advertisement
Also Read : Niharika-Chaitanya : పెళ్లి ఫోటోలతో సహా అన్ని ఫోటోలు డిలీట్.. ఆ ఒక్కటి తప్పా..!
అంతేకాదు.. గ్యాస్, మలబద్ధకం వంటి సమస్యలకు చెక్ పెడుతాయి. అసిడిటీ ఛాతిలో మంటలను తగ్గించడంలో సబ్జా గింజలు కీలక పాత్ర పోషిస్తాయి. దీంతో పాటు కడపను క్లీన్ చేస్తుంది. సబ్జా గింజలు తీసుకోవడం వల్ల ఎగ్జిమా సోరియాసిస్ వంటి చర్మ సమస్యలు రావు. రోగ నిరోధక శక్తిని పెంచుతుంది. సబ్జా గింజల్లో ఐరన్, విటమిన్ కె ఎక్కువగా ఉంటుంది. దీనిని తీసుకోవడం వల్ల జుట్టు కుదుళ్లు దృఢంగా ఒత్తుగా ఉంటాయి. సబ్జా గింజల్లో యాంటిస్పాస్మోడిక్ లక్షణాలుంటాయి. కండరాల నొప్పితో పాటు దగ్గు, జలుబు వంటి వ్యాధులను నియంత్రిస్తాయి.
