టాలీవుడ్ లో వెంకీ ప‌రిచ‌యం చేసిన ముద్దుగుమ్మ‌లు ఇంతమంది ఉన్నారా..? ఆ స్టార్ హీరోయిన్ సైతం..!

విక్ట‌రీ వెంక‌టేష్ టాలీవుడ్ లో ప‌రిచయం అక్క‌ర్లేని పేరు. ద‌గ్గుబాటి న‌ట‌వార‌సుడుగా వెంక‌టేష్ ఇండ‌స్ట్రీలోకి అడుగుపెట్టాడు. వెంక‌టేష్ త‌మ సొంత బ్యాన‌ర్ లోనే ఎక్కువ సినిమాలు చేశాడు. ఎక్కువ‌గా ఫ్యామిలీ ఎంట‌ర్టైన్మెంట్ సినిమాలు చేయ‌డం ద్వారా వెంక‌టేష్ కు ఫ్యామిలీ ఆడియ‌న్స్ మ‌రియు లేడీ ఫ్యాన్స్ ఎక్కువ అయిపోయారు. వెంక‌టేష్ ఒక‌ప్పుడు ఫ్యామిలీ ఎంట‌ర్టైన‌ర్ ల‌లో ఎక్కువగా నటిస్తే ప్ర‌స్తుతం డిఫ‌రెంట్ సినిమాల‌ల్లో న‌టిస్తూ ప్రేక్ష‌కుల‌ను అల‌రిస్తున్నారు.

ఇటీవల కాలంలో వెంక‌టేష్ న‌టించిన నార‌ప్ప‌, దృశ్యం, ఎఫ్ 2 సినిమాలు మంచి విజ‌యం సాధించాయి. ఇదిలా ఉంటే ఒక‌ప్పుడు వెంక‌టేష్ తో సినిమా చేసేందుకు హీరోయిన్ లు పోటీ ప‌డేవారు. దానికి ఓ రీజన్ కూడా ఉంది. మొద‌టి సినిమా వెంక‌టేష్ కు జోడీగా న‌టించారంటే చాలు వారి కెరీర్ సూప‌ర్ గా ఉండేది.

అలా చాలా మంది హీరోయిన్ లు మొద‌టి సినిమా వెంక‌టేష్ తో చేసి ఆ త‌ర‌వాత వ‌రుస ఆఫ‌ర్ లు అందుకున్నారు. వెంక‌టేష్ హీరోగా న‌టించిన బొబ్బిలి రాజా సినిమాతో దివ్య‌భార‌తి టాలీవుడ్ కు హీరోయిన్ గా ప‌రిచ‌యం అయింది. ఆ తర‌వాత ఈ ముద్దుగుమ్మ తిరిగి చూసుకోలేదు. సుంద‌ర‌కాండ సినిమాతో వెంక‌టేష్ అప‌ర్ణ ను ప‌రిచ‌యం చేశాడు. ఆ త‌ర‌వాత అప‌ర్ణ ఫుల్ బిజీ అయిపోయింది.

నువ్వు నాకు న‌చ్చావ్ సినిమాతో వెంకీ ఆర్తి అగ‌ర్వాల్ ను ప‌రిచయం చేయగా ఆ తర‌వాత ఆర్తి అగ‌ర్వాల్ స్టార్ హీరోల‌తో సినిమాలు చేసింది. అంతేకాకుండా తెలుగులో క‌త్రీనా కైఫ్ ను వెంకీ మ‌ళ్లీశ్వ‌రి సినిమాతో ప‌రిచయం చేశాడు. జెమిని సినిమాతో న‌మిత‌ను ప‌రిచ‌యం చేసింది కూడా వెంక‌టేష్ కావ‌డం విశేషం. అంతే కాకుండా ల‌క్ష్మీ సినిమాతో వెంక‌టేష్ న‌య‌న‌తార‌ను ఇండ‌స్ట్రీకి ప‌రిచ‌యం చేశాడు. ప్రేమించుకుందారా సినిమాతో అంజ‌లీ జ‌వేరిని కూడా వెంక‌టేష్ ప‌రిచ‌యం చేశాడు. గురు సినిమాతో వెంకీ యంగ్ హీరోయిన్ రితికా సింగ్ ను ప‌రిచ‌యం చేశాడు.