బాలీవుడ్ కొత్త జంట విక్కీ కౌశల్, కత్రినా కైఫ్ లకు తమ సన్నిహితుల నుంచి బహుమతులు వెల్లు వెత్తుతున్నాయి. విక్కీ తన భార్య కత్రినాకు రూ.కోటి విలువైన డైమండ్ రింగ్ని బహుమతిగా ఇచ్చాడని వినికిడి. మరోవైపు క్యాట్ తన భర్తకు ముంబైలో 15 కోట్ల బహుమతిని ఇచ్చిందట. ఈ జంట ఇటీవల మాల్దీవులకు హనీమూన్కి వెళ్లి తిరిగి ఇండియాకు వచ్చారు. వీరి వివాహానికి హాజరు కాలేకపోయిన పలువురు బాలీవుడ్ ప్రముఖులు వారికి ఖరీదైన బహుమతులను పంపిస్తున్నారు . కత్రినా మాజీ ప్రియుడు, స్నేహితుడు అయిన సల్మాన్ ఖాన్ ఆమెకు హై-ఎండ్ వెర్షన్ రేంజ్ రోవర్ని బహుమతిగా ఇచ్చాడని తెలుస్తోంది. దీని విలువ రూ. 3 కోట్లు. గతంలో సల్మాన్ క్యాట్కు రూ. 2.33 కోట్లు విలువైన రేంజ్ రోవర్ను కూడా బహుమతిగా ఇచ్చాడు. ఇప్పుడు పెళ్లి సందర్భంగా ఆయన చాలా ఖరీదైన కారును కొనుగోలు చేశాడు.
Advertisement
Advertisement
కత్రినా మరో మాజీ ప్రియుడు రణబీర్ కపూర్ ఆమెకు రూ.కోటి విలువైన డైమండ్ నెక్లెస్ను బహుమతిగా ఇచ్చాడని వినికిడి. దాని విలువ రూ.2.75 కోట్లు. రణబీర్ స్నేహితురాలు అలియా భట్ క్యాట్కి పెర్ఫ్యూమ్లు, ఇతర వస్తువులతో కూడిన ఖరీదైన గిఫ్ట్ హ్యాంపర్ను బహుమతిగా ఇచ్చింది. క్యాట్, విక్కీ కొత్త పొరుగువారు అనుష్క శర్మ, విరాట్ కోహ్లీ కత్రినాకు రూ.6.4 లక్షల విలువైన చెవిపోగు సెట్ను బహుమతిగా ఇచ్చారని బి-టౌన్ వర్గాలు చెబుతున్నాయి. షారూఖ్ ఖాన్, గౌరీ ఖాన్ కొత్త జంటకు ఖరీదైన పెయింటింగ్ సేకరణను బహుమతిగా అందించారు. సెలబ్రిటీల నుంచి విక్కీకి కొన్ని బహుమతులు కూడా వచ్చాయి. హృతిక్ రోషన్ అతనికి కోటి విలువైన బిఎమ్డబ్ల్యూ జి310 బైక్ను కొనుగోలు చేసినట్లు తెలుస్తోంది. విక్కీ సహనటి తాప్సీ పన్ను అతనికి రూ. 2.60 లక్షలు విలువైన ప్లాటినం బ్రాస్లెట్ను బహుకరించింది.
