ఆదిపురుష్ మూవీని మిస్ చేసుకున్న ఆ స్టార్ హీరో ఎవరంటే ?

పాన్ ఇండియా స్టార్ హీరో ప్రభాస్ ప్రస్తుతం వరుస సినిమాల్లో నటిస్తూ చాలా బిజీగా ఉన్నారు.  ప్రభాస్ ప్రస్తుతం నటిస్తున్న ఆదిపురుష్ సినిమా  జూన్ 16న ప్రేక్షకుల ముందుకు రావడానికి సిద్ధమవుతోంది.  ఇప్పటికే  ఈ సినిమా నుంచి  విడుదలైన ట్రైలర్ ప్రేక్షకులను ఆకట్టుకుంటోంది.  అయితే ఈ సినిమా నుంచి విడుదల చేసిన టీజర్ కన్నా ట్రైలర్  100 రెట్లు మెరుగ్గా ఉందంటూ పలువురు ట్రైలర్ వీడియో పై స్పందిస్తున్నారు.

Also Read :  Chanakya Niti : మీ ప్రేమ పదిలంగా ఉండాలంటే ఈ విషయాలను తప్పక గుర్తుంచుకోండి..!

ఇదిలా ఉంటే.. తాజాగా ఈ సినిమాకు సంబంధించిన ఓ వార్త ప్రస్తుతం సోషల్ మీడియాలో వైరల్ గా మారింది. ఈ సినిమాకు ప్రభాస్ ఫస్ట్ ఛాయిస్ కాదని సమాచారం. డైరెక్టర్ ఓం రౌత్ ఈ సినిమా కోసం ముందుగా బాలీవుడ్ నటుడు హృతిక్ రోషన్ ను ఎంపిక చేసుకున్నారట. ఇందులో హృతిక్ రాముడి పాత్రలో నటించగా ప్రభాస్ ను రావణాసురుడి పాత్రలో అనుకున్నారట.హృతిక్ రోషన్ కి కథ మొత్తం వివరించగా ఈయన సినిమా కథలో పెద్ద ఎత్తున మార్పులు చేయాలని సూచించారట. అయితే అది నచ్చనటువంటి డైరెక్టర్ ఈ సినిమాని హృతిక్ రోషన్ తో చేయడానికి ఇష్టపడలేదని తెలుస్తోంది.

Also Read :   దారుణం:ప్రభాస్,అల్లు అర్జున్,  మహేష్ బాబు మరీ ఇలా మారారేంటి.. ఫోటోలు వైరల్..!

ఇలా హృతిక్ రోషన్ ను వద్దనుకున్న ఓం రౌత్ ఈ సినిమాలో రాముడి పాత్రలో ప్రభాస్ ని అలాగే రావణాసురుడి పాత్రలో సైఫ్ అలీ ఖాన్ ను ఎంపిక చేసుకున్నట్లు తెలుస్తోంది.ఇక ఈ సినిమాలో సీత పాత్రలో నటి కృతిసనన్ నటిస్తున్న సంగతి తెలిసిందే. ఈ సినిమా ఇప్పటికే విడుదల కావాల్సి ఉండగా ఈ సినిమా విడుదలైన సమయంలో భారీగా ట్రోల్స్ రావడంతో ఈ సినిమాని పోస్ట్ ఫోన్ చేసి జూన్ 16వ తేదీ విడుదలకు సిద్ధం చేస్తున్నారు. మరి విడుదలకు ముందే ఎన్నో విమర్శలను ఎదుర్కొన్నటువంటి ఈ సినిమా ఎలాంటి సక్సెస్ అందుకుంటుందో తెలియాల్సి ఉంది.

Also Read :  తమన్నాతో డేటింగ్ పై విజయ్ వర్మ ఏమన్నారో తెలుసా ?