వచ్చే నెల నుంచి భారత్-ఆస్ట్రేలియా మధ్య టెస్ట్ సిరీస్ ప్రారంభం అవ్వనుంది. కంగారు జట్టు ఫిబ్రవరి 01 నుంచి భారత్ కి చేరుకోనుంది. ఆస్ట్రేలియా జట్టు కొద్ది రోజుల పాటు బెంగళూరులో ఉంటుంది. శిక్షణ శిబిరంలో కంగారు జట్టు ప్రాక్టీస్ చేస్తుంది. ఇక ఆ తరువాత తొలి టెస్ట్ మ్యాచ్ ఆడేందుకు ఆసీస్ జట్టు నాగపూర్ కి బయలుదేరుతుంది. పాట్ కమిన్స్ సారథ్యంలోని జట్టు పర్యటనలో నాలుగు టెస్ట్ ల సిరీస్ ఆడనుంది. అయితే ఈ టెస్ట్ సిరీస్ కి ముందు ఆసీస్ ఓపెనర్ డేవిడ్ వార్నర్ డిఫరెంట్ లుక్ లో కనిపించాడు. షారూఖ్ ఖాన్ నటించిన పఠాన్ మూవీ లుక్ లో ఉన్నటువంటి వీడియో ను సోషల్ మీడియాలో పంచుకున్నాడు. ప్రస్తుతం ఈ వీడియో సోషల్ మీడియాలో బాగా వైరల్ అవుతున్నాయి.
Advertisement
సోషల్ మీడియాలో వార్నర్ భాయ్ యాక్టివ్ గా ఉంటాడు. ఆస్ట్రేలియన్ క్రికెటర్ వార్నర్ కి భారత్ లో చాలా మంది ఫాలోవర్స్ ఉన్నారు. తన ఆటతోనే కాకుండా.. సోషల్ మీడియా ద్వారా కూడా వార్నర్ మంచి ఫాలోయింగ్ ని సంపాదించుకున్నాడు. కరోనా లాక్ డౌన్ సమయంలో వార్నర్ తెలుగు పాటలకు స్టెప్పులేసి మెప్పించాడు. మాస్ డైలాగులను కూడా పేల్చేశాడు. బుట్టబొమ్మ పాటకి వార్నర్ వేసినటువంటి స్టెప్పులు ఇప్పటికీ ఇంటర్ నెట్ లో హల్ చల్ చేస్తూనే ఉన్నాయి. తెలుగుతో పాటు ఇతర భాషల పాటలు, ఫ్యాన్స్ ఎడిట్ చేసిన వీడియోలను కూడా పోస్ట్ చేస్తుంటాడు. క్రీజ్ లో ఎంత దూకుడుగా ఉంటాడో.. సోషల్ మీడియాలో అంతే స్పీడ్ గా ఉంటాడు ఆసీస్ ఓపెనర్.
Also Read : MS Dhoni : లవ్ టుడే హీరోయిన్‌తో ధోని మొదటి సినిమా..
తాాజాగా పఠాన్ సినిమాలో బాలీవుడ్ బాద్ షా షారూఖ్ ఖాన్ లుక్ లో కనిపించిన వీడియో అభిమానులను ఆకట్టుకుంటోంది. ఈ వీడియో ని డేవిడ్ వార్నర్ తన అధికారిక ఇన్ స్టా గ్రామ్ లో వీడియోని షేర్ చేశాడు. షారూఖ్ ఖాన్ ఫేస్ ప్లేస్ లో తన చిత్రాన్ని పెట్టాడు. వావ్ వాట్ ఏ ఫిల్మ్.. ఈ సినిమాకి పేరు పెట్టగలవా..? #legend #icon అని వార్నర్ క్యాప్షన్ ఇచ్చాడు. అభిమానులు కామెంట్ల వర్షం కురిపిస్తూ.. షేర్ చేస్తున్నారు. డేవిడ్ వార్నర్ కి ఆస్కార్ గ్యారెంటీ అంటూ పోస్టులు చేస్తున్నారు.
Also Read : రాజమౌళి ఈ స్టార్ హీరోలతో సినిమా చేయకపోవడానికి కారణం ఏంటి..?
