“భగవంత్ కేసరి” టీజర్…ఈ పేరు చానా ఏళ్లు యాదుంటది…!

నట‌సింహం నందమూరి బాలకృష్ణ హీరోగా నటించిన తాజా చిత్రం భగవంత్ కేసరి. ఈ సినిమాకు అనిల్ రావిపూడి దర్శకత్వం వహిస్తున్నారు. మాస్ యాక్షన్ జోనర్ లో ఈ సినిమా తెరకెక్కుతోంది. సాహూ గారపాటి హరీష్ పెద్ది ఈ చిత్రాన్ని నిర్మిస్తున్నారు. రీసెంట్ గా ఈ సినిమా టైటిల్ ను అనౌన్స్ చేసిన సంగతి తెలిసిందే. కాగా నేడు బాలయ్య పుట్టినరోజు సందర్భంగా సినిమా ఫస్ట్ లుక్ టీజర్ ను చిత్ర‌యూనిట్ విడుదల చేసింది.

ప్రస్తుతం ఈ టీజర్ ప్రేక్షకులను ఎంతగానో ఆకట్టుకుంటుంది. టీజర్ లో తెలంగాణ యాసలో బాలయ్య అదరగొట్టారు. అడవి బిడ్డ నేలకొండ భగవంత్ కేసరి అంటూ మాస్ డైలాగ్ చెప్పారు. ఈ పేరు చానా ఏళ్లు యాది ఉంటది అంటూ బాలయ్య మరో డైలాగుతో ఆకట్టుకున్నారు. బాలకృష్ణ మొదటి సారి తెలంగాణ యాసలో మాట్లాడటంతో అభిమానులు ఫిదా అవుతున్నారు. ఇక ఈ సినిమాలో బాలయ్యకు జోడిగా కాజల్ అగర్వాల్ నటిస్తున్న సంగతి తెలిసిందే. అంతే కాకుండా బాలయ్యకు కూతురుగా స్టార్ హీరోయిన్ శ్రీలీల నటిస్తోంది.

ఈ సినిమా కథ తండ్రీ కూతుళ్ల‌ అనుబంధం నేపథ్యంలో కొనసాగనుంది. అదేవిధంగా శ్రీలీల‌ పాత్రకు కూడా ఈ సినిమాలో ప్రాధాన్యత ఎక్కువగా ఉన్నట్టు సమాచారం. ఇక భారీ అంచనాల మధ్య తెరకెక్కిన భగవంత్ కేసరి ఈ ఏడాది దసరాకు విడుదల కాబోతుంది. సాధారణంగా తెలంగాణలో దసరాను పెద్ద పండుగలా సెలబ్రేట్ చేసుకుంటారు. కాబట్టి చిత్ర యూనిట్ సినిమాను దసరాకు విడుదల చేయాలని నిర్ణయించుకున్నట్టు తెలుస్తోంది. మ‌రోవైపు ద‌స‌రాకు మ‌రికొన్ని స్టార్ హీరోల సినిమాలు కూడా విడుద‌ల‌కు సిద్దంగా ఉంటాయి.