పవన్ కల్యాణ్‌కు ఏపీ మహిళా కమిషన్ నోటీసులు.. అందుకోసమేనా ?

ఆంధ్రప్రదేశ్ మహిళా కమిషన్ జనసేన అధినేత పవన్ కళ్యాణ్ కు నోటీసు జారీచేసింది. మహిళలు కనిపించకుండా పోతున్నారని పవన్ కళ్యాణ్ చేసిన వ్యాఖ్యలకు సంబంధించి మహిళా కమిషన్ ఈ నోటీసు జారీ చేసింది. పవన్ కళ్యాణ్ తన వ్యాఖ్యలపై పది రోజుల్లోపు సమాధానం చెప్పాలని నోటీసులో పేర్కొంది మహిళా కమిషన్. సమాధానం ఇవ్వకపోతే క్షమాపణ చెప్పాలని డిమాండ్ చేసింది. ఏపీ మహిళా కమిషన్ చైర్మన్ వాసిరెడ్డి పద్మ మాట్లాడుతూ.. వాలంటీర్లు హ్యూమన్ ట్రాఫిక్ కింగ్ చేస్తున్నారని కేంద్ర ఇంటలిజెన్స్ చెప్పిందని పవన్ కళ్యాణ్ పేర్కొంటున్నారని దాని గురించి తెలుసుకోవాల్సిన బాధ్యత ఆంధ్రప్రదేశ్ ప్రజలపై ఉందన్నారు.

మహిళలను అడ్డం పెట్టుకొని మాట్లాడితే మహిళా కమిషన్ రియాక్ట్ అవుతుందన్నారు. మహిళా వాలంటీర్లకు ఒంటరి మహిళలకు అండగా నిలబడుతుందని తెలిపారు. పవన్ కళ్యాణ్ వారాహి యాత్ర రెండో దశను ఆదివారం ప్రారంభించారు ఏలూరులో పవన్ కళ్యాణ్ మాట్లాడుతూ.. సీఎం జగన్ తన వాలంటీర్ వ్యవస్థను పేరుతో మద్యం అమ్మకాల ఆదాయంతో రూ.30 వేల కోట్లు కొల్లగొట్టారని ఆరోపించారు. డబ్బుతో ఎన్నికల్లో ఓట్లను కొనుగోలు చేస్తారని విమర్శించారు. వైసీపీ అధికారంలోకి వచ్చిన తర్వాత నాలుగేళ్ల పాలనలో దాదాపు 29వేల మంది మహిళలు కనిపించకుండా పోయారన్నారు. వారిలో కేవలం 14000 మంది మాత్రమే ఇండ్లకు చేరారని మిగిలిన 15000 మంది మహిళల ఆచూకీ ఎక్కడ అని ప్రశ్నించారు పవన్ కళ్యాణ్.

వైసీపీ పాలనలో వాలంటీర్లు గ్రామంలో ఎంతమంది ఉన్నారు మహిళలు ఎందరు వితంతువులు ఎంతమంది అనే వివరాలను ఆరా తీసి ఒంటరి మహిళలకు సంబంధించిన సమాచారాన్ని సంఘవిద్రోహశక్తులకు ఇస్తున్నారని ఆరోపించారు పవన్ కళ్యాణ్. ఏపీలో భారీ మానవ అక్రమ రవాణా జరుగుతుందని.. న్యూఢిల్లీలోని సెంట్రల్ ఇంటలిజెన్స్ అధికారులు తనతో చెప్పినట్టు పేర్కొన్నారు. కొంతమంది వైసీపీ ప్రభుత్వ పెద్దల హస్తం కూడా ఉన్నట్టు నిఘా వర్గాలు పేర్కొంటున్నాయి. రాష్ట్రంలో మధ్య నిషేధం విధిస్తానని జగన్ ఇచ్చిన హామీ ఏమైంది అని ప్రశ్నించారు పవన్ కళ్యాణ్. మద్యం అమ్మకాల ద్వారా ప్రభుత్వానికి రూ.1.27 లక్షల కోట్ల ఆదాయం వచ్చిందని.. రూ.95 వేల కోట్ల ఆదాయం మాత్రమే ప్రభుత్వం చూపిస్తుందన్నారు. మిగిలిన రూ.30 వేల కోట్లు జేబులో వేసుకున్నారని వచ్చే ఎన్నికల్లో ఆ డబ్బుని ఓట్ల కొనుగోలుకు వినియోగిస్తారని ఆరోపించారు పవన్ కళ్యాణ్.

మరికొన్ని ముఖ్యమైన వార్తలు : 

నీచుల్లారా.. పరువు తీశారు కదారా..? సంచలన ట్వీట్ చేసిన బండ్ల గణేష్

స్పోర్ట్స్ బ్యాక్ గ్రౌండ్ నుంచి సినిమా వైపు వచ్చిన నటులు వీరే..!