మెగాస్టార్ చిరంజీవి నట వారసులుగా చాలామంది ఇండస్ట్రీలోకి అడుగు పెట్టారు. వారిలో స్టార్ హీరోలుగా రాణిస్తున్న వాళ్లు కూడా ఉన్నారు. రామ్ చరణ్, అల్లు అర్జున్, సాయి ధరమ్ తేజ్, వరుణ్ తేజ్, వైష్ణవ్ తేజ్, అల్లు శిరీష్ లు ప్రస్తుతం టాలీవుడ్ లో మంచి పొజిషన్ లో ఉన్నారు. ఇక వీరిలో రామ్ చరణ్, అల్లు అర్జున్ స్టార్ హీరోలుగా ఎదిగిన సంగతి తెలిసిందే.
Also Read: ఆ ఓటిటీ చేతికి “యశోద” డిజిటల్ రైట్స్ !
Advertisement
చిరంజీవి తనయుడిగా చిరుత సినిమాతో ఎంట్రీ ఇచ్చిన రాంచరణ్ పాన్ ఇండియా స్టార్ గా మారిపోయారు. అంతేకాకుండా చిరంజీవి, అల్లుడు నిర్మాత అల్లు అరవింద్ కుమారుడు అల్లు అర్జున్ కూడా ప్రస్తుతం పాన్ ఇండియా స్టార్ గా మారాడు. గంగోత్రి సినిమాతో ఎంట్రీ ఇచ్చిన అల్లు అర్జున్ ఎంతోమంది అభిమానులను సంపాదించుకున్నారు.
Advertisement
అల్లు అర్జున్, రామ్ చరణ్ ల మధ్య ఎలాంటి అనుబంధం ఉంటుందో ప్రత్యేకంగా చెప్పాల్సిన అవసరం లేదు. వీరిద్దరూ ఒకరి సినిమాకు మరొకరు సపోర్ట్ చేసుకుంటూ ఉంటారు. చరణ్ చాలా సందర్భాల్లో బన్నీ అంటే తనకు చాలా ఇష్టమని చెప్పారు. అదే విధంగా అల్లు అర్జున్ సైతం తనకు రామ్ చరణ్ అంటే చాలా ఇష్టమని తెలిపాడు. అయితే వీరిద్దరి కాంబినేషన్ లో మల్టీ స్టారర్ సినిమా రావాలని ఫ్యాన్స్ కోరుకుంటున్నారు. గతంలో వీరిద్దరి కాంబినేషన్ లో ఎవడు సినిమా వచ్చిన సంగతి తెలిసిందే. అయితే ఆ సినిమాలో ఓకే సమయంలో ఇద్దరూ స్క్రీన్ పై కనిపించలేదు. కానీ ఈ సినిమాలో ఇద్దరూ నటించారు. ఇదిలా ఉంటే వీరిద్దరూ ఇప్పటికే ఓ మల్టీ స్టారర్ లో నటించాల్సి ఉంది. ఆ సినిమాకు టైటిల్ ని కూడా ఫిక్స్ చేశారు. ఈ విషయాన్ని నిర్మాత అరవింద్ ఆలీతో జాలీగా ఇంటర్వ్యూలో వెల్లడించారు. అల్లు అరవింద్ ఇంటర్వ్యూలో మాట్లాడుతూ…
బన్ని చరణ్ తో కలిసి ఒక సినిమా చేయాలని కోరిక ఉందని అన్నారు. అంతే కాకుండా పది సంవత్సరాల క్రితమే టైటిల్ ను కూడా రిజిష్టర్ చేసినట్టు చెప్పారు. “చరణ్ – అర్జున్” పేరుతో ఆ సినిమా టైటిల్ ని ఫిక్స్ చేసామని అన్నారు. ప్రతి సంవత్సరం ఆ టైటిల్ ను తాను రెన్యువల్ చేస్తున్నానని తెలిపారు. అల్లు అరవింద్ చెప్పిన మాటలు వింటుంటే సరైన, కథ దర్శకుడు ఫిక్స్ అవ్వగానే ఈ సినిమా పట్టాలెక్కే అవకాశం ఉన్నట్టు కనిపిస్తోంది.
Also Read: సినిమాల్లో నటించాలంటే సభ్యత్వం ఉండాల్సిందే అంటూ వార్నింగ్ ఇచ్చిన మంచు విష్ణు..!!
