Ad
తెలుగు సినిమా ఇండస్ట్రీలో అక్కినేని ఫ్యామిలీ అంటే తెలియని వారు ఉండరు. ఇందులో ముఖ్యంగా నాగేశ్వర్ రావు తర్వాత నాగార్జున స్టార్ హీరోగా ఎదిగారు. ఇక ఆయన వారసులుగా నాగచైతన్య అఖిల్ ఎంట్రీ ఇచ్చిన అంతగా సక్సెస్ అందుకోలేకపోతున్నారు. ఇక నాగచైతన్య ఓ మోస్తారు హీరోగా గుర్తింపు సాధించినా కానీ, అఖిల్ మాత్రం ఇంకా ఎదగలేక పోతున్నారు. ఈ తరుణంలో అఖిల్ సక్సెస్ కోసం నాగార్జున మరియు అమల ఏం చేశారో ఇప్పుడు తెలుసుకుందాం..
అఖిల్ తాజాగా నటించిన ఏజెంట్ సినిమా శుక్రవారం థియేటర్లలోకి రానుంది. ఇక ఈ సినిమా అఖిల్ కెరీర్ ని మార్చబోతున్నట్టు తెలుస్తోంది. దర్శకుడు సురేందర్ రెడ్డి డైరెక్షన్లో అనిల్ సుంకర నిర్మాతగా తెరకెక్కిన ఈ సినిమా కోసం రెండు సంవత్సరాలు పనిచేశారు. ప్రస్తుతం అఖిల్ కెరియర్ ఈ సినిమా పైనే ఆధారపడి ఉంది. ఇక ఈ సినిమా సక్సెస్ కాకపోతే ఆయన కెరియర్ దాదాపుగా ముగిసినట్టే. అందుకే ఈ సినిమా కోసం అఖిల్ చాలా కష్టపడ్డారని తెలుస్తోంది. అఖిల్ ఈ సినిమాలో ఎలాగైనా సక్సెస్ కావాలని తన తండ్రి నాగార్జున తల్లి అమల పరితపిస్తున్నారట.
సినిమా హిట్ కావాలని కోరుకుంటూ తిరుపతి వెంకటేశ్వర స్వామిని ప్రత్యేకంగా దర్శనం చేసుకున్నట్టు తెలుస్తోంది. ఒక యాక్షన్ డ్రామాగా తెరకెక్కిన ఈ సినిమాలో మలయాళం సూపర్ స్టార్ మమ్ముట్టి ప్రధాన పాత్రలో నటిస్తున్నారట. అలాగే బాలీవుడ్ నటుడు డీనో మోరి కూడా విలన్ గా చేస్తున్నారట. అయితే ఈ సినిమా కోసం అఖిల్ ఎంత కష్టపడ్డారో ప్రమోషన్స్ కోసం కూడా అంతే కష్టపడుతున్నారు. ఎన్నో ఇంటర్వ్యూస్ ఇస్తున్నాడు. సినిమా సక్సెస్ ఇస్తుందని చాలా నమ్మకంతో ఉన్నాడు. మరి ఈ సినిమా అఖిల్ కు సక్సెస్ ఇవ్వాలని మనం కూడా కోరుకుందాం.
Advertisement
