Ashes Series: యాషెస్ సిరీస్.. దీనికి ఎందుకంత క్రేజ్? ఎక్కువ సిరీస్‌లు గెలిచింది ఎవరు?

యాషెస్ సిరీస్ ను టెస్ట్ క్రికెట్ లోనే అతి పెద్ద సంగ్రామంగా పరిగణిస్తారు. దేశంతో సంబంధం లేకుండా ప్రతి అభిమాని ఎంతో ఆసక్తిగా, ఉత్కంఠ గా చూసే సిరీస్ ఇది. క్రికెట్ గురించి తెలియని చాలామంది యాషెస్ అంటే ఇంగ్లాండ్ - ఆస్ట్రేలియా జట్ల మధ్య జరిగే టెస్ట్ సిరీస్ గా భావిస్తారు. కానీ ఆ రెండు దేశాలకు చెందిన అభిమానులు మాత్రం ఈ సిరీస్ ను ఓ యుద్ధంలా చూస్తారు. ఈ సిరీస్ ను రెండుజట్లు ఎంతో ప్రతిష్టాత్మకంగా తీసుకుంటాయి. ఈ సిరీస్ రెండుజట్ల ఆటగాళ్లకు ఎంతో భావోద్వేగంతో కూడుకున్నది. చాలామందికి ఈ యాషెస్ చరిత్ర తెలియదు. యాసెస్ అనే పేరు కూడా చాలా చిత్రంగా వచ్చింది. క్రికెట్ పుట్టిన ఇల్లు ఇంగ్లాండ్ అని తెలిసిందే. అంతేకాదు క్రికెట్ తొలినాళ్లలో ఇంగ్లాండ్ దే ఆధిపత్యం. అయితే 1882లో అంటే సరిగ్గా 138 ఏళ్ల కిందట ఇంగ్లాండ్ ఆధిపత్యానికి ఆసీస్ అడ్డుకట్ట వేసింది. ఆ ఏడాది ఇంగ్లాండ్ పర్యటనకు వెళ్లిన ఆస్ట్రేలియా వాళ్ళను సొంతగడ్డ పైనే ఓడించింది. దీనిపై అక్కడి మీడియా క్రికెట్ చచ్చిపోయిందని శరీరాన్ని కాల్చి బూడిదను ఆస్ట్రేలియాకు తీసుకువెళ్లారని టైం పత్రిక పెద్ద ఎత్తున అప్పట్లో రాసింది. ఆ తర్వాత అదే ఏడాది చివరలో ఆస్ట్రేలియా పర్యటనకు వెళ్ళిన ఇంగ్లాండ్ కెప్టెన్ బ్లేగ్ ఆ బూడిదతో పాటు ఇంగ్లీష్ క్రికెట్ గౌరవాన్ని కూడా తిరిగి తీసుకువస్తానని ప్రతిజ్ఞ చేశాడు. 1882-83 లో ఓ మ్యాచ్ లో మహిళల బృందం ఆ చిన్న కప్ లో బూడిద వేసి ఇచ్చారు. ఆ బూడిద ఇంగ్లాండ్ జట్టు ఓడిపోయిన మ్యాచ్ లో స్టంప్స్ పై వాడిన ఓ బెయిల్ ది అని చెబుతూ ఉంటారు. ఈ ఘటన ఓ పెద్ద బూడిద సంగ్రామంగా దారితీసింది. ఆ తర్వాత యాషెస్ ఇరుదేశాలకు పరువు ప్రతిష్టతలకు ముడి పెట్టడంతో అది కాస్త ప్రతిష్టాత్మక సిరీస్ గా మారిపోయింది. ప్రతి రెండేళ్లకోసారి ఇంగ్లాండ్ - ఆస్ట్రేలియా ఆతిథ్యం ఇస్తున్నాయి.

Ashes Series: యాషెస్ సిరీస్.. దీనికి ఎందుకంత క్రేజ్? ఎక్కువ సిరీస్‌లు గెలిచింది ఎవరు?

Visitors Are Also Reading