టాలీవుడ్ లో పేరడీ మూవీస్ తో ప్రేక్షకులను అలరిస్తున్న బర్నింగ్ స్టార్ సంపూర్ణేష్ బాబు గురించి దాదాపు అందరికీ తెలిసిందే. హృదయ కాలేయం సినిమా ద్వారా ప్రేక్షకులకు పరిచయమయ్యాడు సంపూర్ణేష్ బాబు. సింగం 123, బంది పోటు, కొబ్బరి మట్ట వంటి సినిమాలతో హీరోగా నటించాడు. ఇక ఆ తరువాత కొన్ని చిత్రాల్లో ప్రత్యేక పాత్రల్లో నటించాడు. తాజాగా మార్టిన్ లూథర్ కింగ్ గా సంపూర్ణేష్ బాబు తన అదృష్టాన్ని పరీక్షించుకోనున్నాడు. ఈసారి పేరడీ కాకుండా.. ఓ కామెడీ అండ్ మెసేజ్ ఓరియెంటేడ్ మూవీతో ప్రేక్షకుల ముందుకు వచ్చేందుకు సిద్ధమవుతున్నాడు.
Advertisement
ఈ చిత్రానికి సంబంధించిన పోస్టర్స్ ఆడియన్స్ ని ఆకట్టుకుంటున్నాయి. తాజాగా ఈ సినిమా కి సంబంధించిన ట్రైలర్ విడుదల చేశారు మూవీ మేకర్స్. పొలిటికల్ డ్రామాతో ఈ సినిమా తెరకెక్కుతుంది. ఊరికి దక్షిణాన ఉన్న వాళ్ళు సౌత్ గ్రూప్ గా, ఉత్తరాన ఉన్న వాళ్ళు నార్త్ గ్రూప్ గా విడిపోయి నిత్యం గొడవపడుతుంటారు. ఈ మధ్యలో పంచాయతీ ఎన్నికలు రావడంతో నార్త్ నుంచి నరేష్ ఒకరు, సౌత్ నుంచి ఒకరు ఎన్నికల పోటీలోకి దిగుతారు. ఊరిలో అన్ని ఓట్లు సమానంగా అటు ఇటు సరిపోగా.. సంపూర్ణేష్ బాబు ఓటు కీలకంగా మారనుందని ట్రైలర్ చూస్తుంటే అర్ధమవుతుంది.
Advertisement
ట్రైలర్ కామెడీగా ఎంటర్టైనింగ్ గా సాగింది. ఈ సినిమా తమిళ్ హిట్ మూవీ మండేలా కి రీమేక్ తెరకెక్కుతుంది. 2021లో కోలీవుడ్ స్టార్ కమెడియన్ యోగిబాబు ప్రధాన పాత్రతో తెరకెక్కిన ఈ మూవీ సూపర్ హిట్ అవ్వడమే కాకుండా రెండు నేషనల్ అవార్డులను కూడా సొంతం చేసుకుంది. ఇప్పుడు ఈ చిత్రాన్ని పూజా కొల్లూరు తెలుగులో డైరెక్ట్ చేస్తున్నాడు. నరేష్, డైరెక్టర్ వెంకటేష్ మహా, శరణ్య ప్రదీప్.. ప్రధాన పాత్రలు పోషిస్తున్నారు. స్మరన్ సాయి సంగీతం అందిస్తున్నాడు. అక్టోబర్ 27న ఈ మూవీని విడుదల చేస్తామంటూ కూడా మేకర్స్ ప్రకటించారు.
మరికొన్ని ముఖ్యమైన వార్తలు :
చిన్నా మూవీలో నటించిన ఈ పాప ఎవరు..? బ్యాక్ గ్రౌండ్ తెలిస్తే షాక్ అవ్వడం పక్కా..!
