‘గోవిందా గోవిందా’ టైటిల్ వెనుక దాగి ఉన్న రహస్యం ఏంటో మీకు తెలుసా ?

 తెలుగు సినీ ఇండస్ట్రీలో శివ సినిమాతో మంచి డైరెక్టర్ గా తనకు అంటూ ఓ గుర్తింపు సంపాదించుకున్నా దర్శకుడు రామ్ గోపాల్ వర్మ. వర్మ చేసిన సినిమాలు అప్పట్లో మంచి విజయాలను సాధించడంతో పాటు ఆయన ఓ స్టార్ డైరెక్టర్ గా ఇండస్ట్రీలో చాలా ఏళ్ల పాటు కొనసాగాడు. అప్పట్లో వరుసగా మంచి సక్సెస్ సాధిస్తూ.. ఎవ్వరికీ సాధ్యం కాని విధంగా అతి తక్కువ సమయంలోనే మంచి దర్శకుడిగా పేరు ప్రఖ్యాతలు సంపాదించుకున్నాడు వర్మ. 

అక్కినేని నాగార్జునతో శివ సినిమాతో మంచి సక్సెస్ ఇచ్చిన దర్శకుడు రామ్ గోపాల్ వర్మ.. ఆ తరువాత నాగార్జునతో గోవిందా గోవిందా అనే సినిమా తీశాడు. ఆ సినిమాకి కథ కొమ్మపల్లి అనే రచయిత ఆర్జీవీతో కలిసి అందించాడు. ఈ సినిమా సమయంలో వర్మ ఈ చిత్రాన్ని ఎలా చేయాలనే దానిపై విపరీతమైన ఎనాలసిస్ చేస్తూ ఉండేవాడట. ఒక సీన్ పర్ఫెక్ట్ గా చేయడానికి ఎంతైనా సరే రిస్క్ తీసుకొని ఆ సీన్ లలో ఇన్వాల్వ్ అయి ఆర్టీస్టుల చేత చేయిస్తూ.. ఉండేవాడు. అలా ఈ చిత్రం నాగార్జున-రామ్ గోపాల్ వర్మ కాంబోలో భారీ అంచనాలతో వచ్చింది. అంచెలనాలను తలకిందులు చేసి అట్టర్ ఫ్లాప్ గా నిలిచింది. ఈ చిత్రానికి సంబంధించిన టైటిల్ వెనుక దాగి ఉన్న రహస్యాన్ని రచయిత కొమ్మనపల్లి ఓ ఇంటర్వ్యూలో వెల్లడించారు.

ఈ సినిమా వెంకటేశ్వర స్వామి మీద స్టోరీతో నడుస్తుంది కాబట్టి ఈ చిత్రానికి తొలుత వెంకటేశ్వర స్వామి మహత్యం అనే టైటిల్ ఫిక్స్ చేద్దామనుకున్నాం. కానీ ఎందుకో డైరెక్టర్ వర్మకి ఈ టైటిల్ అంతగా నచ్చలేదు. దీంతో డిఫరెంట్ గా టైటిల్ ని అరేంజ్ చేయాలనుకొని టైటిల్స్ కోసం కొద్ది రోజుల పాటు వెతికాడు. వర్మకు టైటిల్ దొరకకపోవడంతో గోవిందా గోవిందా అనే టైటిల్ బాగుందని వర్మ కొమ్మనపల్లితో చెప్పాడట. అయితే టైటిల్ బాగానే ఉంది.. కానీ ఎవరైనా చనిపోయినప్పుడు శవాన్నితీసుకెళ్లే సమయంలో గోవిందా గోవిందా అంటూ తీసుకెళ్తుంటారు అని చెప్పాడట. దేవుడి సినిమాకి ఇలాంటి టైటిల్ పెట్టడం కొంత వరకు మైనస్ అవుతుందేమోనని కొమ్మనపల్లి ఆర్జీవీతో చెప్పాడట. అయినప్పటికీ… చనిపోయినప్పడు అలా అంటారా.. అయితే ఇదే టైటిల్ మనం ఫిక్స్ చేద్దామని కావాలని అదే టైటిల్ పెడుతున్నట్టు ప్రకటించాడు రామ్ గోపాల్ వర్మ.  ప్రస్తుతం రామ్ గోపాల్ వర్మ తనకు నచ్చిన సినిమాలు తీస్తూ.. తన లైఫ్ స్టైల్ సపరేటు అంటూ తన జీవితాన్ని గడుపుతున్నాడు.

మరికొన్ని ముఖ్యమైన వార్తలు : 

సినిమాలకు గుడ్ బై చెప్పి… నాగార్జున కి పోటీగా ఆ పని చేయబోతున్న సమంత..!!

లాయర్ పాత్రలో నటించి మెప్పించిన హీరోయిన్లు !