ఆ సూపర్ హిట్ మూవీని సందీప్ కిషన్ మిస్ చేసుకున్నారా..?

ఈ మధ్య కాలంలో చిన్న సినిమాగా రిలీజై బాక్సాఫీస్ వద్ద బ్లాక్ బస్టర్ విజయం సాధించిన ఓ చిన్న మూవీ వాస్తవానికి సందీప్ కిషన్ చేయాల్సిన సినిమా అని ఓ రూమర్ సోషల్ మీడియాలో వైరల్ అవుతుంది. ప్రస్తుతం వీఐ ఆనంద్ దర్శకత్వంలో ఊరుపేరు భైరవకోసం అనే మిస్టరీ థ్రిల్లర్ మూవీ చేస్తున్న సందీప్ కిషన్ మూవీకి ముందు ఓ ఫ్యామిలీ ఓరియెంటేడ్ సినిమా కథ ఆయనను విపరీతంగా నచ్చి డేట్స్ కూడా ఆల్మోస్ట్ ఇచ్చేసే సమయంలో మైఖేల్ సినిమా ఒప్పుకోవాల్సి వచ్చిందట.

తమిళ దర్శకుడు రంజిత్ జయకోడి దర్శకత్వంలో తెరకెక్కిన ఈ మైఖేల్ లో విజయ్ సేతుపతి ప్రధాన పాత్రలో నటించాడు. ఈ సంవత్సరం ప్రథమార్థంలో రిలీజై.. డిజాస్టర్ గా నిలిచిన ఈ మైఖేల్ మూవీ.. వాస్తవానికి ఇప్పుడు సెట్స్ పైకి వెళ్లాల్సి ఉండగా.. విజయ్ సేతుపతి డేట్స్ అనుకున్నదానికంటే ముందే డేట్స్ కన్ఫామ్ చేయడం మూలాన మైఖేల్ షూటింగ్ అనుకున్న దాని కంటే ముందే షూట్ చేసి.. రిలీజ్ చేయాల్సి వచ్చింది. దీంతో సందీప్ కిషన్ చేయాల్సిన ఆ ఫ్యామిలీ ఎంటర్టైనర్ కాస్త వేరే హీరో చేతికి వెళ్లిపోయింది.

సందీప్ కిషన్ మైఖేల్ సినిమా బాక్సాఫీస్ వద్ద డిజాస్టర్ గా నిలవగా.. ఆయన చేయాల్సిన ఫ్యామిలీ ఓరియెంటేడ్ ఆ సినిమా సూపర్ హిట్ గా నిలిచింది. ఆ సినిమా ఏమై ఉంటుంది.. ఇటీవలే రిలీజ్ సామజవరగమన. శ్రీ విష్ణు హీరోగా.. రెబ మోనికా జాన్ హీరోయిన్ గా, సీనియర్ యాక్టర్ నరేష్ ప్రధాన పాత్రలో వచ్చిన ఈ మూవీ ఏ మాత్రం అంచనాలు లేకుండా వచ్చి బ్లాక్ బస్టర్ గా నిలిచింది. దీంతో సందీప్ కిషన్ రూమర్ కాస్త బయటికీ వచ్చి ఇప్పుడు ట్రెండ్ అవుతుంది. ఫ్లాప్ సినిమా కోసం సూపర్ హిట్ సినిమా వదులుకున్నసందీప్ కిషన్ అంటూ సోషల్ మీడియాలో నెటిజన్లు మీమ్స్ వేస్తున్నారు. 

మరికొన్ని ముఖ్యమైన వార్తలు : 

సుమతో విడాకుల ఇష్యూ గురించి రాజీవ్ కనకాల ఏమన్నారంటే..?

అలనాటి హీరోయిన్ రాశి కెరీర్ ను నాశనం చేసింది ఎవరో తెలుసా..?