తమిళ స్టార్ హీరో విజయ్ నటించిన తాజా చిత్రం వారసుడు. ఈ సినిమా తెలుగు తమిళ భాషల్లో ఒకేసారి చిత్రీకరించారు. అంతే కాకుండా ఈ సినిమాకు దిల్ రాజు నిర్మాతగా వ్యవహరించగా….టాలీవుడ్ డైరెక్టర్ వంశీ పైడిపల్లి దర్శకత్వం వహించారు. ఈ చిత్రంలో రష్మిక మందన హీరోయిన్ గా నటించారు. భారీ బడ్జెట్ తో ఈ సినిమాను నిర్మించారు.
ఇక భారీ అంచనాల నడుమ ఈ సినిమాను సంక్రాంతికి విడుదల చేయనున్నారు. జనవరి 12 న సినిమా విడుదల అవుతుండగా డిసెంబర్ 27 న. ఈ సినిమా ప్రీరిలీజ్ ఈవెంట్ ను ఘనంగా ప్లాన్ చేశారు. అయితే ఈ ఈవెంట్ కి ముఖ్య అతిథిగా పవన్ కళ్యాణ్ వస్తున్నాడని వార్తలు వినిపిస్తున్నాయి.
ఇదిలా ఉంటే విజయ్ కూడా పవన్ కళ్యాణ్ నటించిన ఓ సినిమా కు చీఫ్ గెస్ట్ గా విచ్చేశారు. ఆ సినిమా మరేదో కాదు. పవన్ కళ్యాణ్ హీరోగా నటించిన బంగారం సినిమా కు విజయ్ గెస్ట్ గా వచ్చారు. ప్రస్తుతం విజయ్ బంగారం సినిమా ఈవెంట్ కు వచ్చిన ఫోటోలు వైరల్ అవుతున్నాయి.
