కేసీఆర్ గురించి వేణుస్వామి ఏమి చెప్పారో తెలుసా?

జ్యోతిష్యం గురించి ఎందరో ఆధ్యాత్మికవేత్తలు ఒక క్లారిటీ ఇస్తూనే ఉన్నారు. ఇది నమ్మమని, నమ్మద్దని ఎవరు చెప్పడం లేదు. ఇది ఓ వ్యక్తికి సంబంధించింది కాదని, ఓ సమూహానికి సంబంధించిందని.. అది దృష్టిలో ఉంచుకునే నడవాలని, ఎవరికీ వారు కష్టపడి పని చేసుకోవాలని చెబుతూనే ఉంటారు. కానీ, చాలా మంది వీటిని పట్టించుకోకుండా మనుషుల బలహీనతలను కాష్ చేసుకునే జ్యోతిష్యుల మాటలు నమ్ముతూనే ఉంటారు.

ప్రముఖ జ్యోతిష్య వేత్తగా పేరు తెచ్చుకున్న వేణుస్వామి మాటలను నమ్మే వారు కూడా చాలా మందే ఉన్నారు. ఆయన సినీ, రాజకీయ వర్గాలకు చెందిన పలువురు సెలెబ్రిటీల వ్యక్తిగత జీవితం గురించి కూడా పలు ఆసక్తికర వ్యాఖ్యలు చేస్తుంటారు. ఇటీవల ఆయన తెలంగాణ మాజీ సీఎం కేసీఆర్ ఫ్యూచర్ గురించి పలు ఇంటరెస్టింగ్ కామెంట్స్ చేసారు. ఇటీవల ఓ యూట్యూబ్ ఛానెల్ కు ఇచ్చిన ఇంటర్వ్యూ లో ఆయన ఈ విషయాలు తెలిపారు. గత ఏడాది ఎన్నికల్లో ఓడిపోయినా బిఆర్ఎస్ తిరిగి మళ్ళీ వేగం పుంజుకోలేదని అన్నారు.

జాతీయ రాజకీయాల్లో చక్రం తిప్పాలన్న కేసీఆర్ కోరిక నెరవేరదని అన్నారు. జాతీయ స్థాయిలో ఈ పార్టీకి ఆదరణ లభించదని అన్నారు. తెలంగాణకు పరిమితమైతేనే ఈ పార్టేకి ఆదరణ ఉంటుందని.. పార్టీ పేరులో తెలంగాణ కచ్చితంగా ఉండాలని ఆయన అన్నారు. గత ఏడాది జరిగిన ఎన్నికల్లో 119 స్థానాల్లో బిఆర్ఎస్ ముప్పై తొమ్మిది స్థానాలను మాత్రమే గెలుచుకుని ప్రతిపక్ష స్థానంలో నిలబడింది. 64 స్థానాలను గెలుపొందిన కాంగ్రెస్ విజయం సాధించిన సంగతి తెలిసిందే.