మెగా ఇంట్లో అత్యంత త్వరలోనే పెళ్లి భాజాలు మోగనున్న సంగతి తెలిసిందే. ఇప్పటికే మెగా హీరో వరుణ్ తేజ్-లావణ్య త్రిపాఠి ఎంగేజ్ మెంట్ జరిగిన విషయం దాదాపు అందరికీ తెలిసే ఉంటుంది. ఇక ఏడాదిలోనే వీరు పెళ్లి బంధంతో ఒక్కటి కానున్నారు. ఇప్పటికే ప్రీ వెడ్డింగ్ సెలబ్రేషన్స్ ప్రారంభమయ్యాయి. నవంబర్ 01న వరుణ్-లావణ్య వివాహ వేడుక జరుగనున్నట్టు వార్తలు వినిపిస్తున్నాయి. తాజాగా మెగా ఇంట్లో జరిగిన ప్రీ వెడ్డింగ్ వేడుకకు సంబంధించిన ఫొటోలను మెగాస్టార్ చిరంజీవి, ఉపాసన సోషల్ మీడియాలో పంచుకున్నారు.
Advertisement
కాగా.. ఇప్పటికే నాగబాబు ఫ్యామిలీ పెళ్లి పనుల్లో బిజీగా ఉన్నట్టు తెలుస్తోంది. వీరిద్దరి పెళ్లి వేడుక కోసం అతిథులు, సన్నిహితుల ఆహ్వానాలు పంపించేందుకు సన్నాహాలు చేస్తున్నట్టు సమాచారం. వరుణ్ తేజ్-లావణ్య పెళ్లి వేడుక ఇటలీలోని టుస్కానీ నగరంలో జరుగనున్నట్టు తెలుస్తోంది. ఇందుకు సంబంధించి ఉపాసన తన ఇన్ స్టాలో ప్రస్తావించింది. ప్రీ వెడ్డింగ్ ఫొటోలు షేర్ చేస్తూ ఈ విషయాన్ని వెల్లడించింది. వీరి పెళ్లి తేదీపై మాత్రం ఎలాంటి ప్రకటన రాలేదు. కానీ నవంబర్ 01న అంటూ సోషల్ మీడియాలో ఓ వార్త చక్కర్లు కొడుతుంది. నవంబర్ 01కి జరుగుతుందా లేదా ఈ నెలలోనే జరుగుతుందా అనేది మాత్రం మరికొద్ది రోజుల్లోనే క్లారిటీ రానుంది.
Advertisement
వరుణ్ తేజ్, హీరోయిన్ లావణ్య త్రిపాఠి వివాహ ముహూర్తం ఖరారైంది. జూన్ 9న వీరిద్దరి నిశ్చితార్దం జరిగింది. ఇక ఆ తరువాత ఇద్దరూ సినిమా షూటింగ్స్ లో బిజీ అయ్యారు. వరుణ్ తేజ్ లావణ్య త్రిపాఠి జంటగా మిస్టర్, అంతరిక్షం సినిమాల్లో నటించారు. ఈ రెండు సినిమాల్లో మిస్టర్ సినిమా షూటింగ్ ఇటలీలోనే జరిగింది. వీరి పెళ్లి కూడా ఇటలీలో జరగడం విశేషం. మిస్టర్ సినిమా షూటింగ్ సమయంలోనే వీరి మధ్య ప్రేమ చిగురించింది. అయితే ఆ సినిమా సక్సెస్‌ కాకపోయినప్పటికీ.. వీళ్లిద్దరి ప్రేమ మాత్రం ఏడడుగుల వరకు వెళ్లింది. మరోవైపు జనసేన అధినేత పవన్ కళ్యాణ్ కూడా ఈ పెళ్లి కారణంగా వారాహి యాత్రకు బ్రేక్ ఇచ్చినట్టు తెలుస్తోంది. ఇటలీ మధ్య ప్రాంతంలో ఈ ప్రకృతి రమణీయతకు మారుపేరుగా టస్కనీ ప్రఖ్యాతి గాంచింది. టస్కనీ రాజధాని ఫ్లోరెన్స్ అపురూప శిల్పకళా సంపదకు నిలయంగా వర్దిల్లుతోంది. ఎల్బా ప్రాంతంలోని బీచ్ లు పర్యాటకులను విశేషంగా ఆకర్షిస్తుంటాయి. అక్కడే వరుణ్-లావణ్య పెళ్లి జరుగనుంది.
మరికొన్ని ముఖ్యమైన వార్తలు :
బాలకృష్ణ-ఎన్టీఆర్ మధ్య పోటీ.. ఇది ఆ నిర్మాతల పనేనా..?
