ప్రముఖ హీరోయిన్ మాధవి కూతుళ్ల గురించి వింటే షాక్ అవ్వాల్సిందే..!

ప్రముఖ హీరోయిన్ మాధవి గురించి ప్రత్యేకంగా చెప్పాల్సిన అవసరం లేదు. ఒకప్పుడు స్టార్ హీరోలతో నటించి భారీ పాపులారిటీ దక్కించుకున్న ఈమె లేడీ ఓరియంటెడ్ చిత్రాలతో కూడా అంతకుమించి పేరు సంపాదించుకుంది. మాతృదేవోభవ సినిమాలో నటించి.. విమర్శకుల ప్రశంసలు కూడా అందుకున్న మాధవి పెళ్లి అయిన తర్వాత సినిమాలకు దూరం అయింది. ఇక ఇప్పుడు తాజాగా మాధవి కూతుళ్ల ఫోటోలు సోషల్ మీడియాలో కనిపించడంతో నెటిజన్లు మాధవి గురించి ఆరా తీయడం మొదలుపెట్టారు.
ఆంధ్రప్రదేశ్లోని ఏలూరులో శశిరేఖ , గోవిందస్వామి దంపతులకు జన్మించిన మాధవి హైదరాబాదులో పెరిగారు.

మాధవి అసలు పేరు కనకమహాలక్ష్మి. చిన్నప్పటి నుంచి భరతనాట్యం పట్ల ఆసక్తి ఉండడంతో అందులో ఆమెకు తల్లిదండ్రులు శిక్షణ ఇప్పించారు. విద్యాభ్యాసం హైదరాబాద్ లోని అబిడ్స్ లోని స్టాన్లీ బాలికల పాఠశాలలో పూర్తి చేసింది. స్కూల్ ఏజ్ లోనే ఎన్నో స్టేజ్ పెర్ఫార్మన్స్ ఇచ్చి ఆకట్టుకున్న మాధవి చిన్న వయసులోనే సినిమాలోకి ఎంట్రీ ఇచ్చింది. 8వ తరగతి చదువుతున్న సమయంలో ఒకరోజు రవీంద్ర భారతిలో నాట్య ప్రదర్శన ఇస్తున్న ఈమెను.. దాసరి నారాయణరావు చూసి ఆమె డాన్స్ కి ఇంప్రెస్ అయ్యి తూర్పు , పడమర సినిమాలో తొలి అవకాశం ఇచ్చారు. అలా 13 ఏళ్లకే సినీ ఇండస్ట్రీలోకి అడుగు పెట్టింది మాధవి. అప్పటికే సినీ రంగంలో విజయలక్ష్మి , లక్ష్మీ పేర్లతో చాలామంది ఉండడంతో ఇక ఆమె పేరును మాధవి అని నామకరణం చేశారు. ఇక తర్వాత వరుసగా హీరోయిన్ అవకాశాలను అందుకుంది. చివరిగా బిగ్ బాస్ చిత్రంలో నటించిన మాధవి సినిమాల్లో అవకాశం తగ్గగానే ప్రముఖ బిజినెస్ మాన్ రాల్ఫ్ శర్మను 1996లో వివాహం చేసుకుంది. పెళ్లి తర్వాత భర్తతో కలిసి అమెరికాలో స్థిరపడ్డ ఈ జంటకు ముగ్గురు అమ్మాయిలు.

ఇక ఈమె భర్త భారత , జర్మన్ సంతతికి చెందినవాడు. అతనికి మెడికల్ కంపెనీ తో పాటు రెస్టారెంట్ బిజినెస్ లు కూడా ఉన్నాయట.ప్రస్తుతం వాటి విలువ వేల కోట్లు ఉంటుందని సమాచారం. మాధవి కూతుర్ల విషయానికొస్తే.. పెద్ద కూతురు పేరు టిఫనీ, రెండవ కూతురు పేరు ప్రిసిల్లా, మూడో కూతురు పేరు ఎవలిన్.. ఈ ముగ్గురు కూడా తల్లి అందం పుచ్చుకొని మరింత అందంగా కనిపిస్తున్నారు. వీరిని చూస్తే హీరోయిన్లు కూడా తక్కువే అని నెటిజెన్లు కామెంట్లు చేస్తున్నారు. ప్రస్తుతం వీరికి సంబంధించిన ఫోటోలు సోషల్ మీడియాలో చాలా వైరల్ గా మారుతున్నాయి. మాధవి కూతుర్లు హీరోయిన్ల కంటే చాలా అందంగా ఉన్నారని.. సినిమాలోకి వస్తే ఖచ్చితంగా స్టార్ హీరోయిన్లు అవుతారనే కామెంట్ చేస్తూ ఉండడం గమనార్హం.