బేబి మూవీతో బ్లాక్ బస్టర్ హిట్ అందుకున్న తెలుగు అమ్మాయి వైష్ణవి చైతన్య ప్రస్తుతం టాలీవుడ్ టాక్ ఆఫ్ ది టౌన్ గా మారింది. విజయ్ దేవరకొండ తమ్ముడు ఆనంద్ దేవరకొండ, విరాజ్ అశ్విన్, వైష్ణవి చైతన్య ప్రధాన పాత్రలతో తెరకెక్కిన బేబి మూవీ జులై 14న విడుదలై అద్భుతమైన విజయాన్ని అందుకుంది. దీంతో హీరోయిన్ వైష్ణవి చైతన్యకి వరుస అవకాశాలు లభిస్తున్నాయి. సాయి రాజేష్ దర్శకత్వంలో తెరకెక్కిన ఈ మూవీతో వైష్ణవి చైతన్య ఓవర్ నైట్ లో పాపులర్ అవ్వడంతో మీడియం రేంజ్ మూవీస్ కి వైష్ణవి చైతన్య ఫస్ట్ ఛాయిస్ గా మారుతుంది.
టాలీవుడ్ లో ఎప్పటి నుంచో తెలుగు అమ్మాయిలకు అవకాశాలు ఇవ్వరు అనే మాటను వైష్ణవి చైతన్య త్వరలోనే బ్రేక్ చేసే అవకాశం భారీగానే కనిపిస్తోంది. ఇటీవల బేబి మూవీ సక్సెస్ మీట్ కి ఐకాన్ స్టార్ అల్లు అర్జున్ చీఫ్ గెస్ట్ గా హాజరై బేబి సినిమా గురించి మాట్లాడారు. ముఖ్యంగా హీరోయిన్ వైష్ణవి నటనను మెచ్చుకున్నాడు బన్నీ. అదేవిధంగా తెలుగు ఇండస్ట్రీలో తెలుగు హీరోయిన్స్ రావాలి అంటూ స్టేజ్ పైనే చెప్పుకొచ్చాడు. గతంలో ప్రీ రిలీజ్ ఈవెంట్ లో అల్లు అరవింద్ కూడా మరిన్నీ సినిమాలు చేయాలంటూ బ్లెస్ చేశాడు. ఈ పొగడ్తలు అన్నీ కూడా ప్రస్తుతం వాస్తవం అవుతున్నాయి. ఇటీవలే వైష్ణవి చైతన్యకి గీతాఆర్ట్స్ లో ఓ ఫీమెల్ ఓరియెంటేడ్ మూవీ ఓకే చేసినట్టు సమాచారం.
అల్లు అరవింద్ స్పెషల్ గా ఈ స్క్రిప్ట్ వినమని వైష్ణవి చైతన్యకి పంపించినట్టు టాక్ వినిపిస్తోంది. వైష్ణవి చైతన్యకి కూడా స్క్రిప్ట్ నచ్చి ఓకే చెప్పినట్టు తెలుస్తోంది. ఈ సినిమా పై త్వరలోనే అఫిషియల్ గా ప్రకటించే అవకావం కనిపిస్తోంది. ఈ సినిమాతో పాటు అల్లు శిరీష్ చేయబోయే తరువాత సినిమాలోను వైష్ణవి చైతన్యనే హీరోయిన్ గా తీసుకోబోతున్నారట. బేబి మూవీ వల్ల వైష్ణవి చైతన్యకి మంచి క్రేజ్ రావడంతో ఆ క్రేజ్ అల్లు శిరీష్ మూవీకి మంచి ప్లస్ అవుతుందని భావిస్తున్నారట. దీనిని బట్టి చూస్తే వైష్ణవి చైతన్య త్వరలోనే టాలీవుడ్ మోస్ట్ వాంటేడ్ హీరోయిన్ అవ్వడం కన్ఫామ్ అని స్పష్టమవుతోంది. ముందు ముందు జరుగుతుందనేది చూడాలి మరీ.
మరికొన్ని ముఖ్యమైన వార్తలు :
అవినాష్.. యూట్యూబ్ వీడియోలు వాస్తవమేనా..? నెటిజన్స్ ఫైర్..!
రజినీకాంత్ జైలర్ మూవీకి సెన్సార్ షాకింగ్ రిపోర్ట్..!
