మహేష్, రాజమౌళి మూవీపై విజయేంద్రప్రసాద్ ఇంట్రెస్టింగ్ కామెంట్స్..!

ఇటీవలే  గుంటూరు కారం మూవీతో ప్రేక్షకుల ముందుకు వచ్చాడు సూపర్ స్టార్ మహేష్ బాబు. త్రివిక్రమ్ దర్శకత్వం వహించిన ఈ మూవీ సంక్రాంతి పండగ సందర్భంగా విడుదలైంది. మిక్స్ డ్ టాక్ తో కొన్ని ఏరియాల్లో హిట్ కాగా.. కొన్ని ఏరియాల్లో ఆశించిన మేర కలెక్షన్లను రాబట్టలేకపోయింది.  ఇప్పుడు  మహేష్ తన నెక్ట్స్ ప్రాజెక్ట్ కోసం సిద్ధం అవుతున్నాడు.  దర్శక ధీరుడు రాజమౌళి తెరకెక్కించే సినిమా కోసం మహేష్ ఇప్పటికే న్యూయార్క్ వెళ్లిన వెళ్లిన తెలిసిందే.

ఈ సినిమా కి కావాల్సిన యాక్షన్ సీన్స్ కోసం అక్కడ ట్రైనింగ్ తీసుకుంటున్నారని టాక్ వినిపిస్తుంది. ఈ మూవీపై ఇప్పటికే భారీ అంచనాలు ఉన్నాయి. ఆర్ఆర్ ఆర్ తర్వాత రాజమౌళి నుంచి ఎలాంటి సినిమా వస్తుందని వరల్డ్ వైడ్ మూవీ లవర్స్ వెయిట్ చేస్తున్నారు. ఇక అది కూడా మహేష్ బాబుతో అని తెలియగానే ఈ ప్రాజెక్ట్ పై మరింత హైప్ క్రియేట్ అయింది. ఈ మూవీతోనే మహేష్ పాన్ ఇండియా రేంజ్ లో అడుగుపెడుతున్నాడు. దీంతో ఎప్పటికప్పుడు ఈ మూవీపై అంచనాలు పెరుగుతూనే ఉన్నాయి. అయితే మహేష్, రాజమౌళి కాంబోలో రాబోయే ప్రాజెక్ట్ గురించి జక్కన్న తండ్రి రైటర్ విజయేంద్ర ప్రసాద్ ఆసక్తికర విషయాలను పంచుకుంటున్నారు.

ఇప్పటికే స్క్రిప్ట్ వర్క్ పూర్తైందని.. త్వరలోనే ఈ మూవీ పట్టాలెక్కుతుందని తెలిపారు. తాజాగా మరోసారి ఈ ప్రాజెక్ట్ గురించి ఆసక్తికర విషయాలను పంచుకున్నారు. మహేష్ రాజమౌళి సినిమా ‘ఇండియానా జోన్స్’ లా ఉంటుందని అన్నారు. ఇంకా ఈ ప్రాజెక్ట్ టైటిల ఫిక్స్ కాలేదని.. భారీ బడ్జెట్ తో తెరకెక్కుతున్న ఈ సినిమా కథ ఎక్కువగా అడవి నేపథ్యంలోనే సాగుతుందని.. అలాగని ఇది పీరియాడికల్ మూవీ కాదని అన్నారు. ప్రస్తుతం ఈ మూవీకి మ్యూజిక్ గురించి చర్చలు జరుగుతున్నాయని… ఈ మూవీతో మహేష్ ఇమేజ్ మరింత పెంచేందుకు తనవంతు ప్రయత్నం చేస్తున్నట్లు తెలిపారు.