త్రివిక్రమ్ బర్త్ డే.. బండ్ల గణేష్ పోస్ట్ వైరల్..!

టాలీవుడ్  నటుడు, నిర్మాత బండ్ల గణేష్ గురించి ప్రత్యేకంగా చెప్పాల్సిన అవసరం లేదు. సోషల్ మీడియాలో సైతం బండ్లకు మంచి ఫ్యాన్ ఫాలోయింగ్ ఉంది. ఇక ఏ విషయం అయినా కూడా ముక్కు సూటిగా చెప్పుకొచ్చేస్తాడు. ఇవన్నీ పక్కన పెడితే పవన్ కళ్యాణ్ కు బండ్లన్న ఎంత పెద్ద ఫ్యాన్ అనేది అందరికీ తెలిసిందే. ఫ్యాన్ అని కాకుండా బండ్లన్నను భక్తుడు అని పిలవాలి. పవన్ కళ్యాణ్ ప్రతి ప్రీ రిలీజ్ ఈవెంట్ కు బండ్లన్న స్పీచ్ ఉండాల్సిందే.

ఇంకా చెప్పాలంటే బండ్లన్న స్పీచ్ కోసమే ఫ్రీ రిలీజ్ ఈవెంట్ లకు వెళ్లేవారు. ఇక వీరిద్దరి మధ్యలో త్రివిక్రమ్ వచ్చాడు. త్రివిక్రమ్ వచ్చిన దగ్గర నుండి బండ్ల పవన్ కు దూరమయ్యాడని టాక్ నడిచింది. ఈ నేపథ్యంలో వకీల్ సాబ్ ఫ్రీ రిలీజ్ ఈవెంట్ కు బండ్లకు ఆహ్వానం రాలేదు. ఆ సమయంలో బండ్ల త్రివిక్రమ్ పై విరుచుకుపడ్డాడు. అభిమానులతో త్రివిక్రమ్ గురించి ఘాటు ఆరోపణలే చేశాడు. అప్పుడు బండ్ల ఆడియో ఎంత సెన్సేషన్ సృష్టించిందో ప్రత్యేకంగా చెప్పాల్సిన అవసరం లేదు. ఇక సమయం చిక్కినప్పుడల్లా.. గురూజీనీ విమర్శించే బండ్ల నేడు త్రివిక్రమ్ కు బర్త్ డే విషెస్ చెప్పడం ఆసక్తిని రేకెత్తిస్తోంది.

ఇవాళ  మాటల మాంత్రికుడు  త్రివిక్రమ్ పుట్టినరోజు కావడంతో ఉదయం నుంచి సెలబ్రిటీలు అందరూ గురూజీకి బర్త్ డే విషెస్ చెబుతున్నారు. ఇక తాజాగా బండ్ల కూడా త్రివిక్రమ్ శ్రీనివాస్ గారు మీకు జన్మదిన శుభాకాంక్షలు. గుంటూరు కారం సినిమా మంచి విజయం అందుకోవాలని కోరుకుంటున్నాను అని చెప్పుకొచ్చాడు. దీంతో అభిమానులు షాక్ అవుతున్నారు. మొన్నటి వరకు తిట్టేసి.. ఇప్పుడేంటి సడన్ గా బర్త్ డే విషెస్ చెప్తున్నారు అని కామెంట్స్ పెడుతున్నారు. ప్రస్తుతం బండ్ల గణేష్ చేసిన ఈ  పోస్ట్ సోషల్ మీడియాలో  వైరల్ గా మారింది.

మరిన్ని తెలుగు సినిమా వార్తల కోసం ఇవి చూడండి! తెలుగు న్యూస్ కోసం వీటిని చూడండి!