ప్రపంచమంతా ఫిబ్రవరి 14న ప్రేమికుల రోజుగా చాలా ఘనంగా నిర్వహించుకుంటారనే విషయం మనందరికీ తెలిసిందే. భారత్ లో కూడా వాలైంటైన్స్ డే సెలబ్రేట్ చేసుకుంటారు. టాలీవుడ్ సినీ పరిశ్రమలో ప్రేమించి పెళ్లి చేసుకున్న ఓ జంట గురించి ఇప్పుడు మనం తెలుసుకుందాం. టాలీవుడ్ మోస్ట్ లవబుల్ కపుల్ అనగానే మహేష్-నమ్రత అని ప్రత్యేకంగా చెప్పాల్సిన అవసరమే లేదు. స్టార్ హీరో సూపర్ స్టార్ మహేష్ బాబు నటి నమ్రతా శిరోద్కర్ ను ప్రేమించి పెళ్లి చేసుకున్నారు.
Advertisement
మహేష్ బాబు-నమ్రత కాంబోలో వచ్చిన మూవీ వంశీ. బి.గోపాల్ దర్శకత్వంలో తెరకెక్కిన ఈ సినిమా షూటింగ్ కోసం న్యూజిలాండ్ కి వెళ్లారు. అక్కడే నెల రోజుల పాటు షూటింగ్ జరిగింది. ఈ సమయంలోనే మహేష్ బాబు, నమ్రత మద్య స్నేహం కాస్త ప్రేమగా మారింది. షూటింగ్ పూర్తయి తిరిగి వచ్చిన తరువాత తొలుత నమ్రతనే తన ప్రేమను మహేష్ బాబుకి వ్యక్తపరిచారట. ఈ తరుణంలో మహేస్ బాబు కూడా ఓకే అనడంతో వీరి ప్రేమ పెళ్లి వరకు దారి తీసిందట. మహేష్-నమ్రత పెళ్లికి తొలుత మహేష్ కుటుంబం అంగీకారం చెప్పలేదట.
Advertisement
కుటుంబ సభ్యులు పెళ్లికి ఒప్పుకోకపోవడంతో మహేష్ తన సోదరి మంజుల సాయం తీసుకున్నారట. ఆమెతో పాటు దర్శకుడు జయంత్ కూడా సాయం చేశారట. ఇలా ట్విస్ట్ ల తరువాత ఫిబ్రవరి 10, 2005లో మహేష్ బాబు-నమ్రత ప్రేమ పెళ్లిగా మారింది. అతికొద్ది మంది బంధుమిత్రుల సమక్షంలో జరిగింది. లవబుల్ కపుల్ గా ప్రేక్షకుల అభిమానుల మదిలో చెరగని ముద్ర వేసుకున్న మహేష్ బాబు, నమ్రత దంపతులకు గౌతమ్, సితార సంతానం. ప్రస్తుతం మహేష్ బాబు రాజమౌళితో ఓ సినిమా చేయనున్నారు. ఇటీవలే గుంటూరు కారం మూవీతో ప్రేక్షకుల ముందుకు వచ్చారు.
Also Read : నాగేశ్వర రావును మెచ్చుకుని, ఎన్టీఆర్ ని ద్వేషించిన ఆ హీరో ఎవరో తెలుసా..?
