దర్శకధీరుడు రాజమౌళి తెరకెక్కించిన RRR మూవీ ప్రపంచ వ్యాప్తంగా ఎంతటి సంచలనం సృష్టించిందో ప్రత్యేకంగా చెప్పాల్సిన అవసరమే లేదు. ప్రస్తుతం టాలీవుడ్ లో రాబోతున్న మూవీస్ కి కేవలం తెలుగు ప్రేక్షకులు మాత్రమే కాదు.. ప్రపంచ వ్యాప్తంగా ఉన్న సినీ అభిమానులందరూ టాలీవుడ్ సినిమాల కోసం ఎదురుచూస్తున్నారు. ఇటీవలే 2023-24కి సంబంధించి మోస్ట్ అవైటేడ్ తెలుగు సినిమాల లిస్ట్ విడుదల కాగా.. ఈ లిస్ట్ లో 5 ప్రతిష్టాత్మకమైన సినిమాలకు చోటు దక్కింది.
Advertisement
ఓర్మాక్స్ మీడియా సర్వే ప్రకారం.. ఈ లిస్ట్ లో ఫస్ట్ ప్లేస్ కేజీఎఫ్ దర్శకుడు ప్రశాంత్ నీల్-ప్రభాస్ కాంబినేషన్ లో తెరకెక్కే సలార్ మూవీ చోటు దక్కించుకుంది. హై ఎండ్ యాక్షన్ ఎంటర్టైనర్ గా రాబోతున్న ఈ మూవీ గురించి ప్రేక్షకులు చాలా ఈగర్ గా ఎదురుచూస్తున్నట్టు ఓర్మాక్స్ మీడియా సర్వేలో వెల్లడించింది. అదేవిధంగా రెండో స్థానంలో అల్లుఅర్జున్-సుకుమార్ కాంబినేషన్ లో రాబోతున్న పుష్ప-2 మూవీ అని తెలిపింది. రీజనల్ సినిమాగా రిలీజై ఇండియా వైడ్ గా పుష్ప పార్ట్ 1 పాపులర్ అవ్వడంతో పుష్ప పార్ట్ 2 కోసం ప్రేక్షకులు ఎంతో ఆసక్తిగా ఎదురుచూస్తున్నారు.
Advertisement
ఇటీవలే విడుదల చేసిన ఈ సినిమా గ్లింప్స్ వీడియో ప్రేక్షకులను అంచనాలను పెంచేసింది. మూడో స్థానంలో యంగ్ డైరెక్టర్ సుజిత్-పవన్ కళ్యాణ్ కాంబోలో రాబోతున్న ఓజీ మూవీ నిలిచింది. నాలుగో స్థానంలో మహేష్ బాబు-త్రివిక్రమ్ గుంటూరుకారం మూవీ దక్కించుకోగా.. ఐదో స్థానంలో కొరటాల శివ-ఎన్టీఆర్ దేవర మూవీ మోస్ట్ అవైటేడ్ టాప్ 5 తెలుగు సినిమాల్లో చోటు దక్కించుకున్నాయి. మరోవైపు ప్రభాస్ కల్కీ మూవీకి టాప్ 5లో చోటు లభించకపోవడం గమనార్హం. గూగుల్ సెర్చ్ సోషల్ పోల్స్ ద్వారా ఈ డేటా సేకరించడం జరిగిందని.. ఓర్మాక్స్ మీడియా వెల్లడించింది. తెలుగుతో పాటు పాన్ ఇండియా లెవల్ లో మోస్ట్ అవైటేడ్ మూవీ లిస్ట్ కూడా ప్రకటించగా.. ఈ లిస్ట్ లో పుష్ప,ఓజీ మూవీస్ కి చోటు లభించడం విశేషం.
మరికొన్ని ముఖ్యమైన వార్తలు :
