దేశంలోనే అతిపెద్ద దొంగ కథ.. మాస్ మహారాజా విశ్వరూపం మామూలుగా లేదుగా..!

మాస్ మహారాజా రవితేజ టైటిల్ రోల్ లో నటిస్తున్న చిత్రం టైగర్ నాగేశ్వరరావు. పాన్ ఇండియా లెవల్ లో తెరకెక్కుతున్న ఈ సినిమా పై భారీ అంచనాలు నెలకొన్నాయి. యంగ్ దర్శకుడు వంశీ దర్శకత్వంలో రూపుదిద్దుకుంటోంది. ఇండియాలో అతిపెద్ద గజదొంగగా పేరుగాంచిన స్టువర్టుపురం టైగర్ నాగేశ్వరరావు జీవిత కథ ఆధారంగా ఈ సినిమా రూపొందుతోంది. నాగేశ్వరరావు పాత్రలో రవితేజ కనిపించనున్నాడు. రవితేజకు జోడిగా  కృతి సనన్ సోదరి నుపుర్ సనన్ నటించింది. అభిషేక్ అగర్వాల్ ఆర్ట్స్ బ్యానర్ పై ఈ చిత్రాన్ని నిర్మించారు. 

వాస్తవ కథ ఆధారంగా తెరకెక్కిన ఈ సినిమాను 70వ దశకంలో స్టువర్టుపురంలో పేరు మోసిన గజదొంగ టైగర్ నాగేశ్వరావు జీవిత కథ ఆధారంగా ఈ సినిమాను తెరకెక్కిస్తున్నారు. ది కశ్మీర్‌ ఫైల్స్‌, కార్తికేయ 2 వంటి బ్లాక్‌ బస్టర్ హిట్‌ సినిమాలు అందించిన అభిషేక్‌ అగర్వాల్‌ ఆర్ట్స్‌ బ్యానర్  ఈ చిత్రాన్ని నిర్మిస్తోంది. భారీ బడ్జెట్‌తో తెరకెక్కుతోన్న ఈ సినిమాను అక్టోబర్‌ 20న దసరా కానుకగా ప్రపంచవ్యాప్తంగా విడుదల చేయనున్నారు. సినిమా విడుదల సమయం  దగ్గర పడుతున్న తరుణంలో చిత్ర యూనిట్ ట్రైలర్‌ను విడుదల చేసింది.

2.30 నిమిషాల నిడివి ఉన్న సినిమా ట్రైలర్‌ ఆద్యంతం ఆసక్తికరంగా సాగింది. ముఖ్యంగా ట్రైలర్ మొత్తానికి రవితేజానే సెంట్రాఫ్‌ అట్రాక్షన్‌గా నిలిచారు అనడంలో ఎలాంటి సందేహం లేదు. ముంబైలో జరిగిన ఈవెంట్‌లో ట్రైలర్‌ను చిత్ర యూనిట్ విడుదల చేసింది. టైగర్‌ నాగేశ్వర్‌ రావు వ్యక్తిత్వం, డబ్బు, అమ్మాయిలపై ఆసక్తి ఉన్న వ్యక్తిగా ప్రొజెక్ట్ చేసినట్లు సినిమాలో కనిపిస్తోంది. ఇక ట్రైలర్‌ను గమనిస్తే నిర్మాణ విలువల్లో కాంప్రమైజ్‌ కాలేనట్టు స్పష్టమవుతోంది. బ్యాగ్రౌండ్ స్కోర్‌ కూడా అద్భుతంగా ఉంది. మొత్తానికి రవితేజ టైగర్ నాగేశ్వరరావు ట్రైలర్ ఆకట్టుకుంటోంది. 

మరికొన్ని ముఖ్యమైన వార్తలు : 

శ్రీదేవి మృతిపై బోణికపూర్ సంచలన కామెంట్స్.. ఆ రహస్యాలు చెప్పాడా ?

 తన కంటే పెద్ద హీరోలకి ప్రకాశ్ రాజ్ తండ్రి గా నటించాడనే విషయం మీకు తెలుసా ?