టాలీవుడ్ నటుడు నందమూరి కుటుంబ సభ్యుడు తారకరత్న కన్ను మూశారు. నందమూరి వారసుడుగా తారకరత్న టాలీవుడ్ లో అడుగు పెట్టారు. మొదటి సినిమా ఒకటో నెంబర్ కుర్రాడుతోనే సూపర్ హిట్ ను అందుకున్నారు. కానీ ఆ తర్వాత మాత్రం తారకరత్నకు సరైన హిట్ పడలేదు. టాలీవుడ్ లో నిలదోక్కుకునేందుకు ఎన్నో ప్రయత్నాలు చేశాడు. అయితే స్టార్ హీరోగా ఎదగలేకపోయాడు కానీ తన నటనతో ప్రేక్షకుల హృదయాలలో స్థానం సంపాదించుకున్నాడు.
READ ALSO : “ఎన్టీఆర్” నుండి “చిరంజీవి” వరకు…మహా శివుడి పాత్రలలో మెప్పించిన టాలీవుడ్ హీరోలు!
Advertisement
హీరోగా విలన్ గా చేసి విలక్షణ నటుడు అనిపించుకున్నాడు. ఇక కొంతకాలంగా తారకరత్న రాజకీయాల్లోనూ చురుకుగా వ్యవహరిస్తున్న సంగతి తెలిసిందే. తమ తాతగారు స్థాపించిన టిడిపిలో తారకరత్న చురుకుగా వ్యవహరిస్తు వస్తున్నారు. ఈ నేపథ్యంలోనే నారా లోకేష్ ప్రారంభించిన పాదయాత్రలో ఆయన పాల్గొన్నారు. కాగా మొదటి రోజునే తారకరత్న ఒక్కసారిగా కింద పడిపోయారు.
Advertisement
దాంతో ఆయనను వెంటనే స్థానికులు కార్యకర్తలు ఆసుపత్రికి తరలించారు. ఆస్పత్రిలో తారకరత్న గుండెపోటుకు గురైనట్టు వైద్యులు గుర్తించి సిపిఆర్ చేశారు. దాంతో తారకరత్న గుండె తిరిగి కొట్టుకోవడం ప్రారంభించింది. ఇక ఆ తర్వాత మెరుగైన వైద్యం కోసం బెంగళూరు తరలించి అక్కడే కొన్ని రోజులుగా చికిత్స అందిస్తున్నారు. కానీ తారకరత్న ఆరోగ్యం విషమించడంతో తిరిగిరాని లోకాలకు వెళ్లిపోయారు. అయితే, ఇప్పుడు తారక్ పాత ఫోటోలు వైరల్ అవుతున్నాయి. ఆ ఫోటోలు మీరు కూడా చూడండి.
