కోలీవుడ్ స్టార్ హీరో సూర్య కథానాయకుడిగా భారీ బడ్జెట్ మూవీ కంగువా. శివ దర్శకత్వం వహించిన ఈ చిత్రాన్ని స్టూడియో గ్రీన్ బ్యానర్ తో యూవీ క్రియేషన్స్ సంయుక్తంగా నిర్మిస్తోంది. జులై 23న సూర్య పుట్టిన రోజు సందర్భంగా ఈ సినిమాకి సంబంధించి ఫస్ట్ గ్లింప్స్ రిలీజ్ చేసింది చిత్ర యూనిట్. తాజాగా విడుదలైన ప్రచార చిత్రానికి మంచి రెస్పాన్స్ దక్కించుకుంది. టీజర్ లో సూర్య ఎంట్రీ చూస్తే గూస్ బంప్స్ తెప్పిస్తుంది. సూర్య యాక్షన్ సీన్స్, విజువల్ ఎఫెక్ట్ చాలా అద్భుతమనే చెప్పాలి.
Advertisement
పిరియాడిక్ బ్యాక్ డ్రాప్ తో తెరకెక్కుతున్న సినిమా కావడంతో ఎక్కడ కాంప్రమైజ్ కాకుండా మేకర్స్ రూపొందిస్తున్నారు. బ్యాక్ గ్రౌండ్ మ్యూజిక్ కూడా వీర లెవల్ లో ఉంది. ఈ సినిమాను త్రీడీలో పది భాషల్లో నిర్మిస్తున్నారు. వచ్చే ఏడాది ఈ చిత్రాన్ని ప్రేక్షకుల ముందుకు తీసుకొచ్చేందుకు మేకర్స్ ప్లాన్ చేస్తున్నట్టు సమాచారం. రాక్ స్టార్ దేవీ శ్రీ ప్రసాద్ సంగీతం అందిస్తున్నారు. సూర్య చేసిన గత సినిమాలకు దీనికి పోలికే లేదు.. దర్శకుడు శివ కూడా సరికొత్త జోనర్ లోనే కంగువా ని తెరకెక్కించినట్టు స్పష్టమవుతోంది. సూర్య కెరీర్ లోనే అత్యంత భారీ బడ్జెట్ తో కంగువా మూవీ అని టాక్ వినిపిస్తోంది. ఈ చిత్రాన్ని 2Dతో పాటు 3 Dలో కూడా విడుదల చేయనున్నారు.
Advertisement
గ్లింప్స్ లో కనిపించే సూర్య పాత్ర చాలా భయంకరంగా ఉంటుందని తెలుస్తోంది. కమల్ హాసన్ హీరోగా నటించిన విక్రమ్ మూవీలో రోలెక్స్ రోల్ లో అదురగొట్టేశారు సూర్య. ఇప్పుడు కంగువాలో గ్రే షేడ్స్ లో దుమ్ము దులపబోతున్నాడనేది స్పష్టం అవుతోంది. తమిళం, తెలుగు, హిందీ, కన్నడ, మలయాళ భాషలతో పాటు కంగువా మూవీ మరో పది భాషల్లో కూడా విడుదలవుతోంది. సూర్యకి జోడిగా బాలీవుడ్ బ్యూటీ దిశా పఠాని నటిస్తోంది. సూర్య నటిస్తున్న 42వ మూవీ. అయితే ఈ సినిమా రిలీజ్ డేట్ పై మాత్రం మేకర్స్ క్లారిటీ ఇవ్వలేదు.
మరికొన్ని ముఖ్యమైన వార్తలు :
సుమతో విడాకుల ఇష్యూ గురించి రాజీవ్ కనకాల ఏమన్నారంటే..?
ఆ సూపర్ హిట్ మూవీని సందీప్ కిషన్ మిస్ చేసుకున్నారా..?
