సూపర్ స్టార్ కృష్ణ, మెగాస్టార్ చిరంజీవి తెలుగు చిత్ర సినిమాలో మోస్ట్ పాపులర్, మోస్ట్ టాలెంటెడ్ యాక్టర్స్ అనే చెప్పవచ్చు. వీరిద్దరూ అనేక పాత్రల్లో అద్భుతమైన నటన కనబరిచి అందరి గుండెల్లో చిరస్థాయిగా నిలిచిపోయారు. ఎన్నో అద్భుతమైన చిత్రాల్లో నటించి కోట్లాది మంది అభిమానులను సొంతం చేసుకున్నారు. అయితే చిరంజీవి కంటే ముందే స్టార్ అయిపోయిన కృష్ణ.. మెగాస్టార్ చిరంజీవి సినిమాని కూడా నిర్మించాడన్న విషయం మీకు తెలుసా? ఆ సినిమా ఏదో ఇప్పుడు మనం తెలుసుకుందాం.
Advertisement
ఆ సినిమా ఆశామాషి సినిమా కాదండోయ్.. తెలుగు చిత్ర పరిశ్రమనే మార్చిన సినిమా అది. ఆ సినిమా మరేదో కాదండోయ్.. చిరంజీవి నటించిన ఖైదీ. ఈ చిత్రం 1983లో విడుదలైంది. దీనికి కోదండరామి రెడ్డి దర్శకత్వం వహించారు. ఈ సినిమాలో చిరంజీవి జైలు నుంచి తప్పించుకుని స్మగ్లర్ల ముఠాపై పోరాటంలో పాల్గొన్న ఖైదీగా నటించాడు. ఈ సినిమాలో చిరంజీవి జెట్ స్పీడ్ డాన్స్ లు, ఫైట్లు తెలుగు ప్రేక్షకులను మంత్రముగ్ధుల్ని చేశాయి. చిరంజీవికి ఇది తొలి కమర్షియల్ హిట్ కావడమే కాకుండా స్టార్ హీరోగా నిలబెట్టింది. అయితే ఖైదీ తెలుగులోనే కాదు.. 1984లో హిందీలో కూడా ఖైదీగా రీమేక్ చేయబడింది. ఈ హిందీ రీమేక్ నిర్మాత మరెవరో కాదు. మన సూపర్ స్టార్ కృష్ణ. ఆయన పద్మాలయా స్టూడియో బ్యానర్ పై ఈ చిత్రాన్ని నిర్మించాడు.
Advertisement
హిందీ వెర్షన్ లో చిరంజీవి పాత్రను జితేంద్ర పోషించగా.. మాధవి హీరోయిన్ గా నటించింది. సుమలత పాత్రను హేమమాలిని పోషించగా, రంగనాథ్ గా శత్రుఘ్నసిన్హా నటించారు. పోలీస్ ఆఫీసర్ గా శత్రుఘ్నసిన్హా కనిపించాడు. రావుగోపాలరావు విలన్ పాత్రను, ఖాదిర్ ఖాన్ పోషించాడు. ఎస్.ఎస్.రవిచంద్ర దర్శ కత్వం వహించిన ఈ చిత్రం బాక్స్ ఆఫీస్ వద్ద కూడా భారీ విజయాన్ని అందుకుంది. సూపర్ స్టార్ కృష్ణకు నిర్మాతగా ఎంతో పేరు తెచ్చిపెట్టింది ఖైదీ చిత్రం.
మరిన్ని తెలుగు సినిమా వార్తల కోసం ఇవి చూడండి! తెలుగు న్యూస్ కోసం వీటిని చూడండి!
