టాలీవుడ్ సూపర్ స్టార్ మహేష్ బాబు గురించి ప్రత్యేకంగా చెప్పాల్సిన అవసరమే లేదు. మహేష్ బాబు గుంటూరు కారం మూవీ జనవరి 12న ప్రేక్షకుల ముందుకు రాబోతుంది. సోషల్ మీడియాలో ప్రస్తుతం విపరీతంగా ట్రెండ్ అవుతున్న పేరు గుంటూరు కారం. సినిమా అనౌన్స్ చేసినప్పటి నుంచి దీని పై ఎదో ఒక చర్చ వినిపిస్తూనే ఉంది. ఎట్టకేలకు ఇప్పుడు ఈ సినిమా రిలీజ్ కు సిద్ధమైంది. ఎప్పుడెప్పుడా అంటూ చూస్తున్న మహేష్ అభిమానుల ఎదురు చూపులకు మరో రెండు రోజుల్లో తెర పడనుంది.
Advertisement
మాటల మాంత్రికుడు త్రివిక్రమ్, మహేష్ కాంబినేషన్ లో రాబోతున్న మూడవ చిత్రం కావడంతో అంచనాలు మరింత పెరిగాయి. రిలీజ్ దగ్గర పడుతున్న నేపథ్యంలో తాజాగా చిత్ర బృందం ప్రీ రిలీజ్ ఈవెంట్ గ్రాండ్ గా నిర్వహించింది. సినిమా నైజం, ఉత్తరాంధ్ర హక్కులను సొంతం చేసుకున్నారు ప్రముఖ నిర్మాత దిల్ రాజు. ప్రీ రిలీజ్ ఈవెంట్ కు ఈయన చీఫ్ గెస్ట్ గా హాజరయ్యారు. ఈ సందర్భంగా దిల్ రాజ్ గుంటూరు కారం సినిమా పై ఆసక్తికర కామెంట్స్ చేశారు.
Advertisement
ఇప్పటికే సినిమా నుంచి విడుదలైన మూడు పాటలు బ్లాక్ బస్టర్ అయ్యాయి. ఇక కుర్చీ మడతపెట్టి సాంగ్.. ఆ తర్వాత పాటలు కూడా దుమ్ము లేపుతాయని పేర్కొన్నారు. ఈ సినిమాలో ఒక మాస్ పాటకు మహేష్ బాబు, శ్రీలీల చేసే డాన్స్ తో స్క్రీన్లు చిరిగిపోతాయి. అలాగే కొన్ని సినిమాలోని కొన్ని సన్నివేశాల్లో థమన్ బ్యాక్ గ్రౌండ్ మ్యూజిక్ నెక్స్ట్ లెవెల్ లో ఉండబోతుంది. ఈ సీన్స్ లో ఫుల్ ఎంజాయ్ చేస్తారు. పేపర్లు ఎక్కువ తీసుకెళ్లండి అంటూ సినిమా పై మరింత ఆసక్తిని పెంచారు. పోకిరి సినిమాలో కనిపించే మహేష్ బాబును.. త్రివిక్రమ్ గుంటూరు కారం తో మరో సారి ప్రేక్షకుల ముందుకు తీసుకురాబోతున్నారు. ఈ సినిమాతో మహేష్ బాబు కలెక్షన్ల తాట తీస్తాడు అంటూ ఇంట్రెస్టింగ్ కామెంట్స్ చేశారు దిల్ రాజు.
మరిన్ని తెలుగు సినిమా వార్తల కోసం ఇవి చూడండి! తెలుగు న్యూస్ కోసం వీటిని చూడండి!
