పవన్ కళ్యాణ్ మూవీలో పల్లవి ప్రశాంత్.. ఇక ఈ రైతు బిడ్డ జాతకం మారినట్టేనా?

రైతు బిడ్డ పల్లవి ప్రశాంత్ గురించి దాదాపు అందరికీ తెలిసిందే. రైతుబిడ్డగా బిగ్ బాస్ హౌస్ లోకి వచ్చిన పల్లవి ప్రశాంత్ ఇప్పుడు రెండు తెలుగు రాష్ట్రాల్లో ఫేమస్ అయిపోయారు. బిగ్ బాస్ హౌస్ కి ఎంట్రీ ఇవ్వక ముందు వరకు కేవలం సోషల్ మీడియాని బాగా ఫాలో అయ్యేవరకు మాత్రమే పరిచయం ఉన్న పల్లవి ప్రశాంత్ బిగ్ బాస్ హౌస్ కి ఎంట్రీ ఇచ్చి ఒక్కసారిగా పాపులారిటీని సంపాదించుకోవడంతో పాటు ప్రస్తుతం బిగ్ బాస్ హౌస్ లో టికెట్టు ఫినాలి రేస్ వరకు వచ్చాడు. అయితే కొందరు పల్లవి ప్రశాంత్ బిగ్ బాస్ టైటిల్ కొడతాడు అని అంటుండగా, ఇంకొందరు మాత్రం టాప్ ఫైవ్ లో కచ్చితంగా ఉంటాడు అని కామెంట్ చేస్తున్నారు.

కాగా డిసెంబర్ 17న బిగ్ బాస్ గ్రాండ్ ఫినాలే జరగనుందని తెలుస్తోంది. ఈసారి బిగ్ బాస్ టైటిల్ విన్నర్ ఇతనేనంటూ పలువురి పేర్లు నెట్టింట దర్శనమిస్తున్నాయి. ఇందులో ప్రముఖంగా వినిపిస్తున్న పేరు రైతుబిడ్డ అలియాస్ పల్లవి ప్రశాంత్. ఒక కామన్ మ్యాన్ గా బిగ్ బాస్ హౌస్ లోకి అడుగుపెట్టిన పల్లవి ప్రశాంత్ బిగ్ బాస్ కంటెస్టెంట్స్ లో ఒకరిగా నిలిచాడు. తనదైన ఆట తీరుతో బుల్లితెర అభిమానుల మనసులు గెలుచుకున్నాడు. సినీ తారల సైతం అతనికి మద్దతుగా నిలుస్తున్నారు. దీంతో అందరూ విన్నర్ రైతుబిడ్డ అని ఫిక్స్ అయ్యారు. సోషల్ మీడియాలో గత కొద్ది రోజులుగా అతని పేరు తెగ హాల్ చల్ చేస్తోంది.

ఇదిలా ఉంటే తాజాగా సోషల్ మీడియాలో రైతుబిడ్డ ప్రశాంత్ కి సంబంధించి ఒక వార్త చెక్కలు కొడుతోంది. పవన్, హరీష్ శంకర్ కాంబినేషన్ లో తెరకెక్కుతున్న ఉస్తాద్ భగత్ సింగ్ లో పల్లవి ప్రశాంత్ నటించనున్నాడని టాలీవుడ్ మీడియా సర్కిళ్లలో టాక్ వినిపిస్తోంది. డైరెక్టర్ హరీష్ శంకర్ బిగ్ బాస్ తెలుగు రియాలిటీ షోను రెగ్యులర్ గా ఫాలో అవుతారట. ఈ క్రమంలో పల్లవి ప్రశాంత్ గేమ్ డైరెక్టర్ కు బాగా నచ్చేసిందట. అందుకే పవన్ కళ్యాణ్ ఉస్తాద్ భగత్ సింగ్ లో తనకు ఒక పాత్ర ఇవ్వాలని ఫిక్స్ అయ్యారట. ఫినాలేకు గెస్ట్ గా వచ్చి హరీష్ ఈ విషయాన్ని అనౌన్స్ చేయనున్నారని సమాచారం. ఈ విషయం తెలిసి రైతు బిడ్డ ఫ్యాన్స్ సంబరాలు చేసుకుంటున్నారు. ఇక టైటిల్ విన్నర్ ఎవరో చూడాలి మరి.