నేను చేసినట్టు ఏ హీరో కూడా యాక్షన్ చేయలేరు.. సుధీర్ బాబు కామెంట్స్ వైరల్..!

టాలీవుడ్ హీరో సుధీర్ బాబు తాజాగా నటించిన చిత్రం హరోం హర. జ్ఞాన సాగర్ ఈ సినిమాకు దర్శకత్వం వహించిన విషయం తెలిసిందే. కుప్పం బ్యాక్ డ్రాప్ లో రూపొందిన ఈ మూవీ పాన్ ఇండియా లెవల్ లో విడుదల కానుంది. ఇటీవలే ఈ సినిమాకు సంబంధించిన టీజర్ ని విడుదల చేశారు మూవీ మేకర్స్. టీజర్ కు ప్రేక్షకుల నుంచి మంచి పాజిటివ్ స్పందన లభిస్తోంది. ఇది ఇలా ఉంటే తాజాగా మూవీ మేకర్స్ ప్రెస్ మీట్ నిర్వహించారు. ఇందులో భాగంగా పలు ఆసక్తికర విషయాలను వెల్లడించారు హీరో సుధీర్ బాబు.

ఈ సినిమాకు హరోం హర అనే టైటిల్ పెట్టడానికి కారణం ఏంటి అని ప్రశ్నించగా డైరెక్టర్ సాగర్ మాట్లాడుతూ.. సుబ్రహ్మణ్యం స్వామిని పూజించే సమయంలో ఎక్కువగా హరోం హర అనే పదాన్ని ఉపయోగిస్తుంటారు. ట్యాగ్ లైన్ చెప్పినట్టుగానే ఈ సినిమాలో తిరుగుబాటు అనేది ఉంటుంది. చిత్తూరు జిల్లా కుప్పం బ్యాక్ డ్రాప్ లో దీనిని తీర్చిదిద్దుతున్నాం. సినిమా కథకు అనుగుణంగానే హరోం హర అనే టైటిల్ ఫిక్స్ చేశాం అని తెలిపారు. యాక్షన్ హీరోగానే ఉండాలని మీరు అనుకుంటున్నారా? అని హీరోని ప్రశ్నించగా సుధీర్ స్పందిస్తూ.. ఇండస్ట్రీలోకి అడుగుపెట్టిన సమయంలో గొప్ప నటుడుగా నిరూపించుకోవాలని ప్రతి ఒక్కరూ కలలు కంటారు. కెరీర్ లో రాణించే సమయంలో ఒక జోనర్ కు  ముందే ఫిక్స్  అవుతా.

అలా యాక్షన్ తరహా కథలు నాకు బాగా సెట్ అవుతాయనే భావన కలిగింది. మంచి కథ ఉంటే తప్పకుండా యాక్షన్ చిత్రాల్లో నటిస్తాను అని తెలిపారు సుదీర్. ఈ సినిమా కథ ఓకే చేయడానికి గల ప్రధాన కారణం ఏంటి అని అడగగా, ఈ కథ చాలా కొత్తగా ఉంటుంది. ఇప్పటివరకు నేను ఇలాంటి కథలో నటించలేదు. కమర్షియల్ ఎలిమెంట్స్ కూడా చక్కగా కుదిరాయి. కథ, నటినటుల పాత్రల చిత్రీకరణ, సినిమాలోని ప్రతిరంగంపై దర్శకుడుకి ఉన్న అభిరుచి చూసి దీనికి ఓకే చెప్పాను అని తెలిపారు సుధీర్ బాబు. యాక్షన్ పరంగా ఈ చిత్రానికి మీరు న్యాయం చేయగలిగారని అనుకుంటున్నారా? అని సుదీర్ ని ప్రశ్నించగా సుధీర్ బాబు స్పందిస్తూ.. యాక్షన్ హీరో అంటే ఎలాంటి లక్షణాలు ఉండాలని మీరు అనుకుంటున్నారు? నా వరకు నేను చేసిన యాక్షన్ ఏ హీరో చేయలేరు. కథ సపోర్టు చేస్తే సీజీ లేకుండా ఎలాంటి యాక్షన్ అయినా నేను చేసినంతగా ఏ హీరో చేయలేరు. అది అయితే తప్పకుండా చెప్పగలను.  సుధీర్ బాబు చేసిన కామెంట్స్ ప్రస్తుతం సోషల్ మీడియాలో వైరల్ అవుతున్నాయి.