నాని హీరోగా నటిస్తున్న తాజా చిత్రం దసరా. ఈ సినిమాకు శ్రీకాంత్ ఓదెల దర్శకత్వం వహిస్తున్నారు. ఈ సినిమాలో కీర్తి సురేష్ హీరోయిన్ గా నటిస్తోంది. శ్రీకాంత్ ఓదెల సుకుమార్ శిష్యుడు కావడంతో ఈ సినిమా పై భారీ అంచనాలు నెలకొన్నాయి. మరోవైపు సినిమా ట్రైలర్ మరియు పాటలు కూడా ఆకట్టుకోవడంతో సినిమా పై అంచనాలు మరిన్ని పెరిగాయి. కాగా మార్చి 30న ఈ సినిమాను పాన్ ఇండియా లెవల్ లో విడుదల చేస్తున్నట్టు చిత్రయూనిట్ ఇప్పటికే ప్రకటించింది.
ALSO READ : ఐపీఎల్ లో రీఎంట్రీ ఇవ్వనున్న ఆసీస్ కీలక ప్లేయర్ ఎవరో తెలుసా ?
Advertisement
సినిమాకు నైజాంలో క్రేజ్ ఎక్కువగా ఉండటంతో దిల్ రాజు ఈ సినిమా థియేట్రికల్ రైట్స్ ను భారీ మొత్తానికి కొనుగోలు చేసినట్టు సమాచారం. ఇదిలా ఉంటే ఈ సినిమాకు కన్నడ నాట కూడా క్రేజ్ ఓ రేంజ్ లో వచ్చింది. దాంతో కన్నడ ఇండస్ట్రీలో దసరా రైట్స్ ను కేజీఎఫ్ లాంటి భారీ సినిమాను నిర్మించిన హోంబలే ఫిల్మ్స్ దక్కించుకుంది.
Advertisement
మరోవైపు ఈ సినిమా ఓటీటీ హక్కులను కూడా ఓటీటీ సంస్థలు భారీ మొత్తానికి కొనుగోలు చేశాయి. ఈ సినిమా తెలుగు తమిళ కన్నడ భాషలకు చెందిన స్ట్రీమింగ్ రైట్స్ ను నెట్ ఫ్లిక్స్ దక్కించుకోగా…హిందీ సినిమా రైట్స్ ను హాట్ స్టార్ దక్కించుకుంది. ఇక ఈ సినిమా విడదలైన తరవాత సరిగ్గా ఎనిమిది వారాలకు ఆయా ఓటీటీలలో స్ట్రీమింగ్ కానుంది.
ఇదిలా ఉంటే ఈ చిత్రానికి నాని కూడా రెమ్యునరేషన్ తన గత సినిమాల కంటే చాలా ఎక్కువ తీసుకున్నారని ఫిల్మ్ నగర్ లో వార్తలు వినిపిస్తున్నాయి. ఈ సినిమాకు నాని రూ.15 కోట్ల రెమ్యునరేషన్ అందుకున్నాడాని తెలుస్తోంది. ఈ సినిమా క్లైమాక్స్ గురించి కూడా రకరకాల వార్తలు నెట్టింట చక్కర్లు కొడుతున్నాయి. ఈ సినిమా క్లైమాక్స్ దాదాపు 15 నిమిషాలు ఉంటుందట. అదేవిధంగా సినిమాలోని చాలా సీన్ లకు సెన్సార్ విధించినట్టు కూడా తెలుస్తోంది.
ALSO READ : వినోదయ సీతమ్ రీమేక్..పవన్ పక్కకు జరగడంతో డూప్ తో షూటింగ్..!
