అజిత్ తో మైత్రీ మూవీ మేకర్స్ మూవీ.. డైరెక్టర్ ఎవరంటే ?

టాలీవుడ్ లో స్టార్ ప్రొడక్షన్ హౌస్ లో మైత్రి మూవీ మేకర్స్ ఒకటి. పుష్ప మూవీతో నేషనల్ అవార్డు అందుకోవడంతో ఈ ప్రొడక్షన్ హౌస్ ఒక్కసారిగా పాన్ ఇండియా లెవెల్ లో మంచి గుర్తింపు సంపాదించుకుంది. ప్రస్తుతం స్టార్ హీరోలు నటిస్తున్న సినిమాలన్నీ మైత్రి మూవీస్ చేతిలోనే ఉన్నాయంటే అతిశయోక్తి కాదు. ఇక ఈ నేషనల్ గుర్తింపు రావడంతో మైత్రి తన సామ్రాజ్యాన్ని విస్తరించాలని గట్టిగానే ప్లాన్ చేస్తోంది. ఇక దిల్ రాజు ఇప్పటికే ఇలాంటి ప్లాన్ వేశాడు. టాలీవుడ్ లో టాప్ ప్రొడ్యూసర్ గా ఉన్న ఆయన కోలీవుడ్ లో కూడా పాగా వేయాలని విజయ్ తో కలిసి వారసుడు చిత్రాన్ని తెరకెక్కించారు.

ఈ సినిమా మాత్రం ఆశించిన ఫలితం అందుకోలేదు. ఇక ఇప్పుడు మైత్రి మూవీ మేకర్స్  కూడా దిల్ రాజునే ఫాలో అవుతున్నట్టు తెలుస్తోంది.  ఇప్పటికే మలయాళంలో ఒక సినిమా చేస్తున్న మైత్రి, తాజాగా కోలీవుడ్ లో అడుగు పెట్టాలని చూస్తుంది. ఇందుకు సంబంధించిన ప్రాసెస్ గత కొన్ని రోజులుగా జరుగుతుందని వార్తలు వినిపిస్తున్నాయి. ఇక తాజా  సమాచారం ప్రకారం.. కోలీవుడ్ స్టార్ హీరో అజిత్ తో మైత్రి మూవీస్ ఒక సినిమా ఫైనలైజ్ చేసిందనే వార్తలు వినిపిస్తున్నాయి.

ఈ  చిత్రానికి మార్క్ ఆంటోనీతో హిట్ అందుకున్న డైరెక్టర్ అధిక్ రవిచంద్రన్ దర్శకత్వం వహిస్తున్నాడని టాక్  వినిపిస్తోంది.  అయితే తాజాగా అధిక్ ప్లేస్ లో గోపీచంద్ మలినేని వచ్చాడని తెలుస్తోంది. ప్రస్తుతం గోపీచంద్ రవితేజతో ఓ సినిమా చేస్తున్నాడు.   ఈ సినిమా పట్టాలెక్కకముందే.. అజిత్ తో కూడా సినిమాను సెట్స్ మీదకు తీసుకెళ్లాలని చూస్తున్నారట. అయితే అజిత్ ఈ సినిమాను ఓకే చేశాడా? లేదా? అనేది మాత్రం తెలియాల్సి ఉంది. దిల్ రాజు విజయ్ తో ఎంట్రీ ఇస్తే.. మైత్రి మూవీ మేకర్స్ తో అజిత్ తో ఎంట్రీ ఇవ్వాలనుకున్నట్లు తెలుస్తోంది. ఇందులో వాస్తవం ఎంత అనేది తెలియాల్సి ఉంది.