బాలీవుడ్ హీరో హృతిక్ రోషన్ కాంపౌండ్ నుంచి వస్తున్న ప్రాజెక్ట్ స్పిరిట్ ఆఫ్ ఫైటర్ . సిద్దార్థ్ ఆనంద్ డైరెక్ట్ చేస్తున్నాడు. ఇండియా మొట్టమొదటి ఏరియల్ డ్రామా నేపథ్యంలో వస్తోన్న ఈ మూవీలో అనిల్ కపూర్, దీపికా పదుకొనే ఇతర కీ రోల్స్ పోషిస్తున్నారు. ఈ చిత్రం నుంచి ఇప్పటికే విడుదల చేసిన హృతిక్ రోషన్ , దీపికాపదుకొనే రోల్స్ లుక్స్ నెట్టింట హల్ చల్ చేస్తున్నాయి.
Advertisement
Advertisement
ఫైటర్ 2024 జనవరి 25న ప్రపంచవ్యాప్తంగా థియేటర్లలో గ్రాండ్గా విడుదల కానుంది. విడుదల తేదీ దగ్గర పడుతున్న నేపథ్యంలో ఏదో ఒక ప్రమోషనల్ అప్డేట్ అందిస్తున్నారు. తాజాగా ట్రైలర్ ఎప్పుడనేది క్లారిటీ ఇచ్చారు. ఫైటర్ ట్రైలర్ను రేపు మధ్యాహ్నం 12 గంటలకు ఆన్లైన్లో లాంఛ్ చేయనున్నట్టు ప్రకటించారు. ఈ చిత్రంలో కరణ్ సింగ్ గ్రోవర్, అక్షయ్ ఒబెరాయ్, సంజీదా షేఖ్, తలత్ అజిజ్ ఇతర ప్రధాన పాత్రల్లో నటిస్తున్నారు.
ఈ చిత్రంలో హృతిక్ రోషన్ ఎయిర్ డ్రాగన్స్ విభాగంలో స్క్వాడ్రన్ పైలట్ గా పనిచేసే స్క్వాడ్రన్ లీడర్ షంషేర్ పఠానియా (పాటీ)గా కనిపించబోతున్నాడు. మరోవైపు దీపికాపదుకొనే ఎయిర్ డ్రాగన్ యూనిట్లో పనిచేసే స్క్వాడ్రన్ లీడర్ మిన్నిగా కనిపించనుండగా.. ఈ ఇద్దరి లుక్స్ నెట్టింట వైరల్ అవుతున్నాయి. ఈ మూవీని వయాకామ్ 18 స్టూడియోస్-మార్ఫ్లిక్స్ పిక్చర్స్ సంయుక్తంగా నిర్మిస్తున్నాయి.
