యంగ్ టైగర్ ఎన్టీఆర్ హీరోగా నటిస్తున్న లేటెస్ట్ మూవీ దేవర. ఈ సినిమాని మాస్ దర్శకుడు కొరటాల శివ తెరకెక్కిస్తున్నారు. ఈ మూవీ కోసం మూవీ లవర్స్ ఎంతగానో ఎదురుచూస్తున్నారు. ఏప్రిల్ 05న తేదీన రిలీజ్ కావాల్సిన ఈ చిత్రం వాయిదా పడింది. ఏకంగా అక్టోబర్ 10న ఈ సినిమాని విడుదల చేయనున్నట్టు ఇటీవలే చిత్ర యూనిట్ వెల్లడించింది. భారీ యాక్షన్ థ్రిల్లర్ గా దేవర చిత్రం రూపొందుతుంది.
Advertisement
Advertisement
ఈ సినిమాతోనే బాలీవుడ్ హీరోయిన్ జాన్వీకపూర్ తెలుగులోకి ఎంట్రీ ఇస్తుంది. ఈ సినిమా గురించి తాజాగా ఆమె ఓ అప్డేట్ ను ఇచ్చారు. దేవర సినిమా షూటింగ్ ఇంకా పూర్తి కాలేదని.. కొన్ని పాటల చిత్రీకరణ జరగాల్సి ఉందని జాన్వీకపూర్ తెలిపింది. తనకు తెలుగు డైలాగ్ లు అందాయని.. వాటిని నేర్చుకునేందుకు చాలా ఆసక్తిగా ఉన్నానని ఓ ఇంటర్వ్యూలో వెల్లడించింది జాన్వీ. తాను కొద్ది రోజులు తెలుగులోనే మాట్లాడాలని అనుకుంటున్నానని జాన్వీ తెలిపింది. త్వరలో నేను ఇంగ్లీషులో మాట్లాడకుండా.. కేవలం తెలుగులోనే మాట్లాడాలని అనుకున్నానని తెలిపింది. ఈ సినిమాలో జాన్వీ పల్లెటూరు అమ్మాయి తంగం పాత్రలో నటిస్తోంది. లంగావోణిలో ఉన్న ఆమె లుక్ అదిరిపోయింది. ఇందులో బాలీవుడ్ స్టార్ సైఫ్ అలీఖాన్ విలన్ గా నటిస్తున్నారు. సినిమా షూటింగ్ సమయంలో ఆయన చేతికి గాయమైంది. దీంతో సైఫ్ పూర్తిగా కోలుకున్న తరువాత తిరిగి షూటింగ్ లో జాయిన్ అవ్వనున్నట్టు సమాాచారం.
Also Read : పెళ్లి తరువాత రకుల్ ఏం చేసిందో తెలిస్తే ఆశ్చర్యపోతారు..!
