హరిహరవీరమల్లు మూవీ నుంచి తప్పుకున్న క్రిష్.. కారణం అదేనా..?

పవర్ స్టార్  పవన్ కళ్యాణ్ ప్రస్తుతం ఆంధ్రప్రదేశ్ రాజకీయాలతో చాలా బిజీగా ఉన్న విషయం అందరికీ తెలిసిందే. ఎన్నికల సమయం దగ్గర పడుతుండటంతో సినిమా షూటింగ్స్ పక్కన పెట్టి రాజకీయాలపై ఎక్కువగా ఫోకస్ పెట్టారు. దీంతో ఇప్పటికే కమిట్ అయినటువంటి సినిమాలకు సంబంధించిన షూటింగ్స్ ఆగిపోయాయి. మళ్లీ ఎన్నికల తరువాత కమిట్ అయిన సినిమాలను పూర్తి చేసే అవకాశం కనిపిస్తోంది. ఇప్పటికే పవన్ కమిట్ అయిన హరి హర వీరమల్లు మూవీ ఒకటి క్రిష్ జాగర్లమూడి దర్శకత్వంలో తెరకెక్కుతోంది. 

ఈ సినిమాకి ఎప్పుడో కమిట్ అయ్యాడు. ఈ సినిమా తరువాత కమిట్ అయిన సినిమాలు కూడా విడుదలయ్యాయి. కానీ ఇది ఇంకా ప్రేక్షకుల ముందుకు రాలేదు. ఎంతో ఆసక్తిగా ఈ సినిమా కోసం ప్రేక్షకులు ఎదురు చూస్తున్నారు.  ఈ చిత్రం నుంచి గతంలో పవన్ లుక్స్ రివీల్ చేస్తూ.. ఓ వీడియోను రిలీజ్ చేశారు మేకర్స్. ఇక అప్పటి నుంచి ఇప్పటివరకు ఎలాంటి అప్డేట్ రాలేదు. పీరియాడికల్ బ్యాక్ డ్రాప్ లో తెరకెక్కుతున్న ఈ సినిమాలో పవన్ కళ్యాణ్ బందిపోటుగా కనిపించబోతున్నారు. ఇలాంటి తరుణంలో ఈ మూవీ గురించి ఓ ఆశ్యర్యకరమైన వార్త బయటకు వచ్చింది.

హరిహర వీరమల్లు మూవీ రకరకాల కారణాలతో వాయిదా పడుతూ వస్తోంది. పవన్ మూవీ కోసం పవన్ ఇచ్చిన డేట్స్ ని క్రిష్ పర్ ఫెక్ట్ గా ప్లాన్ చేసుకొని షూటింగ్ చేయడంలో విఫలమయ్యాడని ఇండస్ట్రీ వర్గాల సమాచారం. కొంత భాగం షూటింగ్ పూర్తి చేశాక పవన్ కాస్త అసంతృప్తితో ఉన్నట్టు సమాచారం. క్రిష్, పవన్ కళ్యాణ్ మధ్య క్రియేటివ్ డిఫెరెన్స్ లు దానికి తోడు బడ్జెట్ సమస్యలు పవన్ కళ్యాణ్ తన పొలిటికల్ కమిట్ మెంట్స్ తో బిజీగా ఉండటంతో ఈ ప్రాజెక్టు మరుగున పడిపోయింది. ఈ ప్రాజెక్టు కోసం నిర్మాత ఏ.ఎం.రత్నం చాలా ఖర్చు చేశాడు. ఈ తరుణంలోనే ఈ సినిమా నుంచి దర్శకుడు క్రిష్ తప్పుకున్నట్టు వార్త బయటికి వచ్చింది. ఆయన స్థానంలో మరో దర్శకుడు హరిహర వీరమల్లు షూటింగ్ పూర్తి చేయనున్నట్టు కూడా వార్తలు వినిపించడం గమనార్హం.