వరుణ్ తేజ్ ఫేవరెట్ హీరోయిన్ ఎవరో తెలుసా?

మెగా ప్రిన్స్ వరుణ్ తేజ్ హీరోగా నటించిన లేటెస్ట్ మూవీ ఆపరేషన్ వాలెంటైన్ విడుదలకు సిద్ధం అవుతోంది. తాజాగా జరిగిన ఈ సినిమా ప్రమోషన్లలో భాగంగా వరుణ్ తేజ్ తన ఫేవరెట్ హీరోయిన్ ఎవరు అన్న విషయాన్ని వెల్లడించారు. గతంలో తాను పెళ్లి చేసుకోబోతున్నాడు అని రూమర్స్ వచ్చిన హీరోయిన్ తన ఫేవరెట్ అని చెప్పడం హాట్ టాపిక్ గా మారింది. ఇంతకీ ఆ హీరోయిన్ ఎవరో ఇప్పుడు మనం తెలుసుకుందాం.

దేశంలోని వైమానిక దళ వీరుల అలుపెరగని పోరాటం, దేశాన్ని రక్షించడం కోసం వాళ్లు ఎదుర్కొంటున్న సవాళ్ల నేపథ్యంలో రూపొందుతున్న మూవీ ‘ఆపరేషన్ వాలెంటైన్’  ఈ  మూవీ వరుణ్ కి జోడీగా 2015లో మిస్ వరల్డ్ టైటిల్ గెలుచుకున్న మానుషి చిల్లర్ హీరోయిన్ గా కనిపించబోతోంది. ఈ మూవీతో టాలీవుడ్ లోకి ఎంట్రీ ఇస్తోంది. ఇందులో ఆమె రాడార్ ఆఫీసర్ పాత్రలో అలరించబోతోంది.  కుశక్తి ప్రతాప్ సింగ్ హడా దర్శకత్వం వహించిన ఈ మూవీని సోనీ పిక్చర్స్ ఇంటర్నేషనల్ ప్రొడక్షన్స్, సందీప్ ముద్దా రినైసన్స్ పిక్చర్స్ సంయుక్తంగా నిర్మిస్తున్నాయి.  ఈ సినిమా నుంచి రిలీజ్ అయిన పోస్టర్లు, గ్రిప్పింగ్ టీజర్, రిపబ్లిక్ డే కానుకగా రిలీజ్ అయిన ఫస్ట్ సింగిల్ ‘వందేమాతరం’  సినిమాపై హ్యూజ్ బజ్ క్రియేట్ చేశాయి.

మెగా ఫాన్స్ ఎంతో ఎక్సైటింగ్ ఇంకా ఎదురు చూస్తున్న ఈ  చిత్రం మార్చి 01న  రిలీజ్ అవుతోంది.   ఈ సినిమాకు సంబంధించిన ప్రమోషన్లు ప్రస్తుతం జోరుగా సాగుతున్నాయి  తాజాగా ఈ చిత్రం నుంచి “గగనాల” అనే సాంగ్ ను రిలీజ్ చేశారు. ఈ సందర్భంగా  మల్లారెడ్డి ఇంజనీరింగ్ కాలేజీలో ప్రత్యేక ఈవెంట్ ను నిర్వహించింది చిత్ర యూనిట్. ఈ ఈవెంట్లో విద్యార్థులు అడిగిన పలు ఇంట్రెస్టింగ్ ప్రశ్నలకు వరుణ్ తేజ్ సమాధానం ఇచ్చారు. ఆ క్రమంలోనే వరుణ్ తేజ్ కు “మీరు ఇప్పటిదాకా కలిసి నటించిన హీరోయిన్లలో ఫేవరెట్ హీరోయిన్ ఎవరు?” అన్న ప్రశ్న ఎదురైంది. తనకు సాయి పల్లవి అంటే చాలా ఇష్టమని చెప్పారు వరుణ్. ఫిదా సినిమా తరువాత వీరిద్దరి మధ్య ప్రేమాయణం నడిచిందని వార్తలు కూడా వినిపించడం గమనార్హం.