టాలీవుడ్ సినిమాలలో కొంతమంది రకరకాల పాత్రలను పోషించారు. ఇక వారిలో ముఖ్యంగా హీరో సోదరి పాత్ర చాలా ముఖ్యమైనది అనే చెప్పాలి. ఈ పాత్రలను పోషించిన కొంతమంది నటీమణులు ఇతర రంగాలలో విజయవంతమైన కెరీర్ లను కొనసాగిస్తున్నారు. వారిలో కొందరు ఈ రోజుల్లో ఏమి చేస్తున్నారో ఇప్పుడు మనం తెలుసుకుందాం.
Advertisement
సంధ్య :
ప్రేమిస్తే సినిమా ద్వారా తెలుగు ప్రేక్షకులకు పరిచయమైంది సంధ్య. ఈ సినిమా డబ్బింగ్ మూవీ. ఆ తరువాత స్ట్రెయిట్ గా అన్నవరం సినిమాలో హీరోకి చెల్లెలిగా నటించింది. ఆ తర్వాత పలు తమిళ, మలయాళ చిత్రాల్లో నటించింది. 2015 లో చెన్నైకి చెందిన ఐటీ ఉద్యోగి వెంకట్ చంద్రశేఖర్ ని వివాహం చేసుకొని ఒక బిడ్డకు జన్మనిచ్చింది. సంధ్య 2016 లో వచ్చిన మలయాళ చిత్రం అవరుడే వీడులో కనిపించింది.
మౌనిక :
శివరామరాజు లో ముగ్గురు అన్నదమ్ముల సోదరిగా మౌనిక నటించింది. మా అల్లుడు వెరీ గుడ్, కొడుకు సినిమాల్లో కూడా హీరోయిన్ గా చేసి ఆకట్టుకుంది. 2014లో మౌనిక ఇస్లాంలోకి మారి తన పేరును రహీమాగా మార్చుకుంది. 2015లో చెన్నై బేస్ట్ బిజినెస్ మాన్ మాలిక్ ని పెళ్లాడింది.
మంజూష :
రాఖీ లో ఎన్టీఆర్ చెల్లెలుగా మంజూష నటించింది.ఈ సినిమాతో బాగా గుర్తింపు తెచ్చుకున్న ఆమె అనే అనేక ఇతర చిత్రాలలోనూ అవకాశాలు దక్కించుకుంది. అలా వెండితెరపై మెరిసిన ఈ ముద్దుగుమ్మ ప్రస్తుతం యాంకర్ గా వర్క్ చేస్తుంది.
దీపా వెంకట్ :
మనసిచ్చి చూడు, శ్రీరామ్ సినిమాల్లో దీప నటించి మెప్పించింది. అయితే ఈ ముద్దుగుమ్మకు సినిమాల్లో అవకాశాలు రాలేదు. దాంతో తమిళ సీరియల్స్ లో నటించడం మొదలుపెట్టి అక్కడ బుల్లితెరపై మకుటం లేని నటిగా ఎదిగింది. తమిళంలో టాప్ డబ్బింగ్ ఆర్టిస్ట్ లలో ఒకరిగాను నిలిచింది. జ్యోతిక, సౌందర్య, సిమ్రాన్, గజాలా, సంజన, విద్యాబాలన్, శ్రియతో సహా చాలామంది హీరోయిన్లకు ఆమె డబ్బింగ్ చెప్పింది. రాజా రాణి నుంచి దాదాపు ప్రతి సినిమాలోనూ ఆమె నయనతారకు గాత్ర దానం చేసింది.
శరణ్య మోహన్ :
Advertisement
శరణ్య మలయాళ సినిమాలో చైల్డ్ ఆర్టిస్ట్ గా తన కెరీర్ ను ప్రారంభించింది. తర్వాత టాలీవుడ్ ఇండస్ట్రీలో అడుగు పెట్టింది. విలేజ్ లో వినాయకుడు, భీమిలి కబడ్డీ టీమ్, హ్యాపీ హ్యాపీ చిత్రాల్లో కథానాయకగా నటించి బాగా ఆకట్టుకుంది. కత్తి సినిమాలో కళ్యాణ్ రామ్ సిస్టర్ పాత్రలో పోషించి మరింత గుర్తింపు తెచ్చుకుంది. 2015లో తెలుగులో ముద్ర అనే సినిమాలో నటించి ఈ తార అదే ఏడాది తన చిరకాల మిత్రుడు అరవింద్ కృష్ణన్ ను వివాహం చేసుకుంది. వీరికి ఒక బాబు, పాప ఉన్నారు.
వర్ష :
వాసు సినిమాలో హీరోకి చెల్లెలుగా నటించింది వర్ష. ఆమె అనేక చాలా సినిమాల్లో సపోర్టింగ్ రోల్స్ లో మెరిసింది. ఈటీవీ సీరియల్ కురుక్షేత్రంలో హీరోయిన్ గా కనిపించి చాలామందిని ఆకట్టుకుంది. కొంతకాలం విరామం తీసుకున్నాక మళ్ళీ ఇప్పుడు ఈటీవీలో ఓ సీరియల్ లో మెయిన్ రోల్ చేస్తోంది.
మధుమిత :
మధుమిత పుట్టింటికి రా చెల్లి, మన్మధుడు, నువ్వే నువ్వే సినిమాల్లో సోదరీ పాత్రలు పోషించి అలరించింది. స్వప్న మాధురి పేరుతో యాంకర్ గా ఇండస్ట్రీలోకి అడుగుపెట్టిన ఆమె ఆ తర్వాత తన పేరును మధుమితగా మార్చుకుంది. బిగ్ బాస్ 1 విన్నర్ శోబాలాజీని ఆమె పెళ్లి చేసుకున్న సంగతి తెలిసిందే. ప్రస్తుతం యూట్యూబ్ ఛానెల్ లో ఆమె వీడియోలు పెడుతూ ఫ్యాన్స్ కు టచ్ లో ఉంది.
వాసుకి :
తొలిప్రేమలో పవన్ కళ్యాణ్ చెల్లెలుగా కనిపించిన వాసుకి అదే సినిమా కోసం తాజ్ డైరెక్టర్ ఆనంద్ సాయిని ప్రేమించి పెళ్లాడింది. ఆ తర్వాత సైనికుడు, యమదొంగ, పులి, గుడుంబా శంకర్, నాని, బాలు, బృందావనం వంటి అనేక చిత్రాలకు ఆనంద ఆర్ట్ డైరెక్టర్ గా పనిచేశారు. ప్రధాన వాస్తు శిల్పిగా భువనగిరి సమీపంలోని లక్ష్మీ నరసింహ స్వామి ఆలయానికి కూడా ఆయన బాధ్యత వహించారు. వాసుకి సినిమాలకు విరామం ఇచ్చి ప్రస్తుతం గూగుల్ లో మంచి ఉద్యోగం చేస్తోంది.
కీర్తి రెడ్డి :
అర్జున్ సినిమాలో కీర్తి రెడ్డి మహేష్ బాబు సోదరిగా నటించింది. ఆమె అంతకుముందు గన్ షాట్, తొలిప్రేమ సినిమాలలో హీరోయిన్ గా నటించి ఆకట్టుకుంది. కీర్తి రెడ్డి ప్రస్తుతం పెళ్లి చేసుకుని ఇద్దరు పిల్లలతో అమెరికాలో స్థిరపడింది.
మరిన్ని తెలుగు సినిమా వార్తల కోసం ఇవి చూడండి! తెలుగు న్యూస్ కోసం వీటిని చూడండి!
