కళాతపస్వి విశ్వనాథ్ ఎస్ సెంటిమెంట్ గురించి మీకు తెలుసా ?

కళాతపస్వి కె.విశ్వనాథ్ తెలుగు ఇండస్ట్రీ గర్వించదగ్గ దర్శకులలో ఒకరు. ఆయన దర్శకుడితో పాటు మంచి నటుడు కూడా. తాజాగా ఆయన మరణించిన విషయం తెలిసిందే. కె.విశ్వనాథ్ దర్శకత్వంలో తెరకెక్కిన సినిమాల్లో అధిక సినిమాలు ఎస్ లెటర్ తో తెరకెక్కిన సినిమాలు మంచి సక్సెస్ సాదించాయి. విశ్వనాథ్ సినిమాల్లోని పాత్రలు సైతం ఒకింత కొత్తగా ఉండడంతో పాటు సాధారణ ప్రేక్షకులను సైతం ఆకట్టుకునేవిధంగా ఉంటాయి. 

ప్రధానంగా కె.విశ్వనాథ్ దర్శకత్వంలో తెరకెక్కిన సినిమాల్లో సిరిసిరిమువ్వ, సీతామహాలక్ష్మి, శంకరాభరణం, శుభోదయం, సాగరసంగమం, సప్తపది, శుభలేఖ, స్వయంకృషి, సిరివెన్నెల, స్వాతిముత్యం, స్వాతికిరణం, స్వర్ణకమలం, సూత్రదారులు, స్వరాభిషేకం, శుభసంకల్పం, శుభప్రదం వంటి సినిమాలు తెరకెక్కాయి. ఎస్. సెంటిమెంట్ గురించి ఓ సందర్భంలో విశ్వనాథ్ ఇలా మాట్లాడారు. తాను ఏ సినిమాకి కావాలని టైటిల్ పెట్టలేదని చెప్పుకొచ్చారు.  

Also Read :  తారకరత్న కు సీరియస్… విదేశాలకు తరలింపు… ?

కథకు సరిపోయే టైటిల్ ని మాత్రమే తాను పెడతానని.. ఊహించనివిధంగా మూవీ టైటిల్ ఎస్ తో ప్రారంభమయ్యేదని కామెంట్స్ చేశారు.  హిందీలో కూడా ఆయన సినిమాలు ఎస్ తో ప్రారంభమై అక్కడ కూడా మచి విజయం సాధించాయి. ఓ సందర్భంలో విశ్వనాథ్ మాట్లాడుతూ.. “హిందీలో  నా ప్రవేశం వెరైటీగా ఉంటుంది” అని తెలిపారు. కె.విశ్వనాథ్ హిందీలో దాదాపు 10 సినిమాలను తెరకెక్కించారు. ఈ చిత్రాల్లో కేవలం 8 సినిమాలు  మాత్రమే రీమేక్ సినిమాలు కావడం గమనార్హం. అల్లుడు పట్టిన భరతం, స్వయం కృషి వంటి సినిమాలను హిందీలో రీమేక్ చేయాలని భావించినా.. ఆయన కోరిక నెరవేరలేదు. ఎస్. లెటర్ తో తెరకెక్కిన విశ్వనాథ్ చిత్రాలలో మెజార్టీ సినిమాలు కమర్షియల్ గా సక్సెస్ ని సొంతం చేసుకోవడం గమనార్హం. తెలుగు సినీ ఇండస్ట్రీలో వరుసగా చోటు చేసుకుంటున్న వివాదాలు అభిమానులను ఒకింత హర్ట్ చేస్తున్నాయి. పేరు పొందిన సినీ ప్రముఖులు మరణించడం సినీ అభిమానులను ఎంతగానో కలవరపెడుతోంది. 

Also Read :  నరేష్ కు తెలుగు నేర్పించడానికి జంద్యాల అంతలా కష్టపడ్డారా…?