ధనుష్ ‘సార్’ ట్రైలర్ ఎలా ఉందంటే..?

ధనుష్ హీరోగా నటించిన సార్ సినిమా ట్రైలర్ ని తాజాగా విడుదల చేసారు. ఈ చితంలో ధనుష్ సరసన సంయుక్తమీనన్ జంటగా నటించింది. భీమ్లానాయక్, నందమూరి కళ్యాణ్ రామ్ బింబిసార తరువాత ఆమె నటిస్తున్న తెలుగు చిత్రం. తొలిప్రేమ, మిస్టర్ మజ్ను, రంగ్ దే సినిమాల దర్శకుడు వెంకి అట్లూరి ఈ చిత్రాన్ని తెరకెక్కించాడు. విద్యావ్యవస్థను కథా వస్తువుగా తీసుకొని ఈ సినిమాను తెరకెక్కించారు. ప్రస్తుతం పీరియాడిక్ చిత్రాల ట్రెండ్ కొనసాగుతుంది. ఈ చిత్రం కూడా ఈ ట్రెండ్ ని ఫాలో అయింది. ఇక ట్రైలర్ లో మాస్, యాక్షన్, లవ్ వంటి అంశాలతో పాటు మెసెజ్ కూడా అందించారు. ధనుష్ కి తొలి తెలుగు స్ట్రైట్ ఫిలిం ఇదే. తమిళంలో ఈ చిత్రం వాతి పేరుతో విడుదల కాబోతుంది. 

ఫిబ్రవరి 17న తెలుగు, తమిళ భాషల్లో ఈ చిత్రం విడుదల కాబోతుంది. ఈ చిత్రం ఫస్ట్ సింగిల్ ను కూడా ఎప్పుడో విడుదల చేశారు. మాస్టారూ మాస్టారూ నా మనసుని గెలిచారు అంటూ సాగే పాటను శ్వేత మోహన్ పాడింది. ఈ సాంగ్ ఇప్పటికే సూపర్ హిట్ సాధించింది. ఈ చిత్రంలో ధనుష్ బాలగంగాధర్ తిలక్ అనే జూనియర్ లెక్చరర్ పాత్రలో కనిపించనున్నారు. ట్రైలర్ లో అటెండెన్స్ రిజిస్టర్ లో ఉన్న ప్రతీ స్టూడెంట్ క్లాస్ రూమ్ లో ఉంటాడు. ఛాలెంజ్ చేసి చెబుతున్నా అంటున్నారు. 

Also Read :   హైదరాబాద్ కు దూరంగా వెళ్ళిపోతున్న సమంత….కారణం అదేనా…?

ఈ చిత్రానికి దినేష్  కృష్ణన్ సినిమాటోగ్రఫర్. అదేవిధంగా నేషనల్ అవార్డు విన్నింగ్ ఎడిటర్ నవీన్ నూలి పని చేస్తున్నారు. జీవీ ప్రకాశ్ సంగీతం సమకూర్చుతున్నారు. సాయికుమార్, తనికెళ్ల భరణి, నర్రా శ్రీను, తదితరులు నటిస్తున్న ఈ చిత్రాన్ని సితార ఎంటర్ టైన్ మెంట్స్ బ్యానర్ పై ప్రముఖ నిర్మాత సూర్యదేవర నాగవంశీ నిర్మించారు. ఈ చిత్రానికి ఎగ్జిక్యూటివ్ ప్రొడ్యూసర్ ఎస్. వెంకటరత్నం, ప్రొడక్షన్ డిజైనర్ అవినాష్ కొల్లా, సమర్పణ పీడీవీ ప్రసాద్ వ్యవహరించారు. 2023లో ధనుష్ తొలి సినిమా సార్. దీని తరువాత అరుణ్ మతీశ్వరన్ దర్వకత్వంలోరూపొందిన కెప్టెన్ మిల్లర్ విడుదల కాబోతుంది. 

 Also Read : స్వయంకృషి సినిమా షూటింగ్ లో పడుకున్న చిరంజీవి…కోపంతో డైరెక్టర్ ఏం చేశారో తెలుసా…?