చందు మొండేటి దర్శకత్వంలో అక్కినేని నాగ చైతన్య, సాయి పల్లవి జంటగా నటిస్తున్న చిత్రం తండేల్. గీత ఆర్ట్స్ పతాకం పై బన్నీ వాసు ఈ సినిమాను నిర్మిస్తున్నారు. ఇటీవలే ఈ సినిమా నుంచి విడుదలైన గ్లింప్స్ కు సూపర్ హిట్ రెస్పాన్స్ వచ్చింది. ముఖ్యంగా గ్లింప్స్ లోని బుజ్జితల్లి.. వచ్చేస్తున్నా కదే.. కాస్త నవ్వే.. అనే ఈ డైలాగ్ సోషల్ మీడియాలో ఫుల్ ట్రెండ్ అవుతుంది. ఈ డైలాగ్ తో నెటిజన్లు రీల్స్, వీడియోలు చేస్తూ సోషల్ మీడియాలో పోస్ట్ చేస్తున్నారు.
Advertisement
Advertisement
తాజాగా అభిమానుల కోసం నాగచైతన్య, సాయి పల్లవి కూడా ఈ డైలాగ్ తో రీల్ చేసి ట్విట్టర్ లో పోస్ట్ చేశారు. “తండేల్ మూవీ గ్లింప్స్ రెస్పాన్స్ ఎంతో థ్రిల్లింగ్ గా ఉంది. సాయి పల్లవికి సంబంధించిన డైలాగ్ పై మీరందరు రీల్స్ చేయడం ఎంతో సంతోషాన్నిస్తుంది. అభిమానుల కోసం.. మేము కూడా రీల్ చేయాలనుకున్నాము. తండేల్ టీమ్ నుంచి అందరికీ హ్యాపీ వాలెంటైన్ డే’ అంటూ రీల్ చేసిన వీడియోను షేర్ చేశారు నాగ చైతన్య”. ప్రస్తుతం ఈ వీడియో నెట్టింట్లో వైరల్ గా మారింది. ఇది చూసిన నెటిజన్లు క్యూట్ అంటూ కామెంట్స్ చేస్తున్నారు. గతంలో లవ్ స్టోరీతో మెప్పించిన ఈ జంట మరో సారి తండేల్ సినిమాతో ప్రేక్షకుల ముందుకు రాబోతున్నారు. దీంతో ఈ మూవీ పై ఆసక్తి మరింత పెరిగింది.
Also Read : ప్రభాస్ జాతకం ఏమీ బాలేదు.. మరోసారి వేణు స్వామి సంచలన కామెంట్స్..!
