మలయాళ స్టార్ నటుడు పృథ్వీరాజ్ సుకుమారన్ 2019 బ్లాక్ బస్టర్ లూసిఫర్తో దర్శకునిగా పరిచయమయ్యాడు. ఈ చిత్రంలో మాలీవుడ్ మెగాస్టార్ మోహన్లాల్ ప్రధాన పాత్రలో నటించారు. ఇప్పుడు వీరిద్దరూ కాంబినేషన్లో వస్తున్న రెండవ చిత్రం బ్రోడాడీ తాజాగా ఈ సినిమా ట్రైలర్ విడుదల చేసారు మూవీ మేకర్స్. ఇక ఈ ట్రైలర్ చూస్తుంటే సినిమా మొత్తం కామెడీ ఎంటర్టైనర్గా రూపొందుతున్నట్టు అర్థం అవుతోంది. ట్రైలర్లో మోహన్లాల్, మీనా జంటగా పృథ్వీరాజ్ వారికొడుకు కన్పించారు.
Advertisement
Advertisement
మొదటి ఫ్రేమ్ నుంచి చివరి ఫ్రేమ్ వరకు బ్రోడాడీ ట్రైలర్లో ఉన్న వినోదాత్మక సన్నివేశాలు ఈ కుటుంబ కథా చిత్రంపై ఆసక్తిని పెంచాయి. ఎంతో ఆసక్తిగా ఎదురుచూస్తున్న ఈ ప్రాజెక్ట్ను ఆశీర్వాద్ సినిమాస్ ద్వారా ఆంటోని పెరుంబవూరు నిర్మించారు. మోహన్లాల్, పృథ్వీరాజ్ సుకుమారన్, మీనా, కళ్యాణి ప్రియదర్శన్, ఉన్ని ముకుందన్, లాలూ అలెక్స్, మురళిగోపి, కనిహా, సౌబిన్, షాహిర్ వంటి స్టార్లు అందరూ ఈ సినిమాలో నటిస్తున్నారు. ఈ చిత్రానికి దీపక్ దేవ్ నేపథ్య సంగీతం అందిస్తుండగా.. అభినందన్ రామానుజం సినిమాటోగ్రఫీ బాధ్యతలు నిర్వర్తిస్తున్నారు. బ్రోడాడీ డైరెక్ట్ ఓటీటీకి సిద్ధం అవుతోంది. ఈ కామెడీ కేపర్ జనవరి 26న డిస్నీ+హాట్స్టార్లో ప్రసారం కానున్నది.
