పండంటి బిడ్డకు జన్మనిచ్చిన అర్జున్-సురేఖ.. కూతురు పేరు ఏంటంటే..?

బిగ్ బాస్ సీజన్ 7 కంటెస్టెంట్ అర్జున్ అంబటి తండ్రి అయ్యాడు. అర్జున్ భార్య సురేఖ ఈరోజు పండంటి ఆడబిడ్డకి జన్మనిచ్చింది. ఈ విషయాన్ని అర్జున్ సోషల్ మీడియా వేదికగా అభిమానులతో పంచుకున్నాడు. తన కూతురికి ఆర్ఖా అని నామకరణం చేశాడు. కూతురు పుట్టినా, కొడుకు పుట్టినా ఈ పేరునే పెట్టుకుంటానని బిగ్ బాస్ హౌస్ లోనే చెప్పాడు అర్జున్.

తన పేరులోని ఆర్, సురేఖ పేరులో నుంచి తీసుకొని ఖ తీసుకొని అర్ఖా అని పేరు ఫిక్స్ చేసినట్లు ఓ వీకెండ్ ఎపిసోడ్ లో చెప్పాడు. అయితే తనకు మాత్రం కూతురు పుట్టాలని ఉందని చెప్పాడు. అనుకున్నట్లే అర్జున్ కి కూతురే పుట్టింది. దీంతో అర్జున్ ఇంట సంబరాలు అంబరాన్ని అంటాయి. అర్జున్, సురేఖ దంపతులకు సినీ ప్రముఖులతో పాటు, అభిమానులు సోషల్ మీడియా వేదికగా శుభాకాంక్షలు తెలుపుతున్నారు. కాగా, పలు సిరియాళ్లలో హీరోగా నటించిన అర్జున్ బిగ్ బాస్ 7 సీజన్ లో పాల్గొని తనదైన ఆటతీరుతో ఆకట్టుకున్నాడు.

బిగ్ బాస్  షో ప్రారంభమైన ఐదు వారాల తర్వాత అర్జున్ బిగ్ బాస్ హౌస్ లోకి ఎంట్రీ ఇచ్చాడు అర్జున్. అతనితో పాటు వైల్డ్ కార్డు ఎంట్రీ ఇచ్చిన ఐదుగురు త్వరగానే ఎలిమినేట్ అయ్యారు. కానీ అర్జున్ మాత్రం చివరి వరకు ఉన్నాడు. ఫినాలే రోజు టాప్ 6 ప్లేస్ లో నుంచి ఎలిమినేట్ అయ్యాడు. ప్రస్తుతం బుల్లి తెరపై పలు షోలు, సీరియల్స్ తో పాటు సినిమాల్లో కూడా నటిస్తున్నాడు. త్వరలోనే ఓ సినిమాలో హీరోగా నటించబోతున్నట్లు తెలుస్తోంది.  మొత్తానికి బిగ్ బాష్ షో ద్వారా మంచి గుర్తింపు సంపాదించుకున్నాడు అర్జున్.