ఐకాన్ స్టార్ అల్లు అర్జున్ ఆఖరుగా పుష్ప ది రైస్ అనే మూవీతో ప్రేక్షకులను పలకరించిన విషయం మన అందరికీ తెలిసిందే. నేషనల్ క్రష్ రష్మిక మందన ఈ సినిమాలో హీరోయిన్గా నటించగా సుకుమార్ ఈ సినిమాకు దర్శకత్వం వహించాడు. మైత్రి సంస్థ వారు భారీ బడ్జెట్ తో నిర్మించిన ఈ మూవీలో మలయాళ విలక్షణ నటుడు ఫాహధ్ ఫాజిల్ విలన్ పాత్రలో నటించగా … రాక్ స్టార్ దేవిశ్రీప్రసాద్ ఈ మూవీకి సంగీతం అందించాడు.
Advertisement
ఈ సినిమాలో రావు రమేష్, సునీల్, అనసూయ ముఖ్యపాత్రలలో నటించగా … సమంత ఈ సినిమాలో ఒక స్పెషల్ సాంగ్లో నటించింది. భారీ అంచనాల నడుమ తెలుగు, తమిళ, కన్నడ, మలయాళ, హిందీ భాషలలో విడుదల అయిన ఈ మూవీ అద్భుతమైన విజయాన్ని సొంతం చేసుకుంది. ఇది ఇలా ఉంటే పుష్ప మూవీ మొదటి బాగం అద్భుతమైన విజయం సాధించడంతో ఈ మూవీ రెండవ భాగంపై ప్రేక్షకుల్లో అంచనాలు భారీగా ఉన్నాయి. ప్రస్తుతం ఈ మూవీ యొక్క రెండవ భాగం షూటింగ్ శరవేగంగా జరుగుతుంది.
Advertisement
Pushpa 2
కొన్ని రోజుల క్రితమే అల్లు అర్జున్ పుట్టిన రోజు సందర్భంగా ఈ మూవీ నుండి “వేర్ ఇస్ ద పుష్ప” అనే పేరుతో ఒక వీడియోను ఈ మూవీ మేకర్స్ విడుదల చేయగా దానికి ప్రేక్షకుల నుండి సూపర్ రెస్పాన్స్ లభించింది. ఇది ఇలా ఉంటే తాజాగా ఈ మూవీలో మెగా డాటర్ కొణిదల నాగబాబు కూతురు నిహారిక ఒక కీలకమైన పాత్రలో కనిపించబోతుంది అని … నిహారిక పాత్ర నిడివి ఈ సినిమాలో కాస్త తక్కువే అయినప్పటికీ ఈ సినిమాలో చాలా ఇంపార్టెంట్ రోల్లో నిహారిక కనిపించబోతుంది అని ఒక వార్త వైరల్ అవుతుంది.
niharika konidela
ఈ వార్త ప్రస్తుతం చాలా వైరల్ అవుతున్నప్పటికీ ఈ మూవీ బృందం మాత్రం ఈ వార్తలను ఖండించలేదు … అలా అని ఈ వార్తకు సంబంధించిన అధికారిక ప్రకటన కూడా ఇవ్వలేదు. మరి ఈ సినిమాలో నిజంగానే నిహారిక నటిస్తుందా… లేదా తెలియాలి అంటే ఈ చిత్ర బృందం స్పందించాల్సి ఉంది.
