క‌టౌట్ మ‌స్త్ ఉన్నా సుబ్బ‌రాజు హీరో ఎందుకు అవ్వ‌లేదు..? దానివెన‌క ఇంత క‌థ ఉందా తెలుసా..?

టాలీవుడ్ లో కొంత‌మంది చూడ్డానికి హీరోల్లా ఉంటారు. కానీ సినిమాల్లో నెగిటివ్ రోల్స్ మ‌రియు చిన్న చిన్న పాత్ర‌ల‌లో న‌టిస్తూ ఉంటారు. ఆ లిస్ట్ లో సుబ్బరాజు కూడా ఒక‌రు. చూడ్డానికి ఆర‌డుగుల ఎత్తు..హీరో క‌టౌట్ కు ఏ మాత్రం తీసిపోని సుబ్బ‌రాజు సినిమాల్లో విల‌న్ పాత్ర‌ల‌తో పాటూ ఇత‌ర పాత్ర‌లు చేస్తుంటాడు. అంతే కాకుండా స్టార్ హీరోల సినిమాల్లో దాదాపు సుబ్బ‌రాజు క‌నిపిస్తాడు. కాగా తాజాగా ఓ ఇంట‌ర్వ్యూలో సుబ్బరాజు ఆస‌క్తిక‌ర వ్యాఖ్య‌లు చేశాడు.

భీమ‌వ‌రంలో తాను డిగ్రీ పూర్తిచేశానని సుబ్బ‌రాజు వెల్ల‌డించాడు. అంతేకాకుండా కంప్యూట‌ర్ శిక్ష‌ణ కోసం తాను హైద‌రాబాద్ లో అడుగుపెట్టాన‌ని చెప్పాడు. మొద‌ట అనుకోకుండా త‌న‌కు కృష్ణశంశీ సినిమాలో అవ‌కాశం వ‌చ్చింద‌ని చెప్పాడు. ఆ త‌ర‌వాత పెద్ద‌గా అవ‌కాశాలు రాలేద‌ని…పెద్ద‌గా ఆఫ‌ర్ లు రాలేద‌ని అన్నాడు. ఆ స‌మ‌యంలో తాను న‌ల్ల‌కుంట‌లో స్నేహితుల‌తో క‌లిసి సింగిల్ రూమ్ లో ఉండేవాడిన‌ని చెప్పారు.

మొద‌ట ఆర్య సినిమాతో త‌న‌కు రెమ్యున‌రేషన్ పెరిగింద‌ని తెలిపాడు. ఆర్య కోసం తాను రెండు ల‌క్ష‌ల రెమ్యున‌రేష‌న్ తీసుకున్న‌ట్టు వ్యాఖ్యానించాడు. అంతే కాకుండా యోగి సినిమా షూటింగ్ లో చిన్న‌ప్ర‌మాదం జ‌రిగింద‌ని ఆ త‌ర‌వాత ఫిట్ నెస్ పై దృష్టిపెట్టాన‌ని తెలిపాడు. హీరోగా చేయాల‌ని చాలా మంది స‌ల‌హా ఇచ్చారని కానీ హీరోగా చేస్తే బ‌రువు అంతా నేనే మోయాలి…ఆ భ‌యం వ‌ల్ల‌నే అటువైపు దృష్టిపెట్ట‌లేద‌ని చెప్పాడు.

ALSO READ : యూట్యూబ్ నుంచి టాలీవుడ్ కు వచ్చి..ఓ రేంజ్ కు వెళ్లిన స్టార్లు వీళ్లే