సీనియర్ నటుడు నరేష్ కి అరుదైన గౌరవం.. కొత్త బిరుదు ప్రదానం..!

నేషనల్ అకాడమీ ఆఫ్ సెక్యూరిటీ అండ్ డిఫెన్స్ ప్లానింగ్, ఇంటర్నేషనల్ స్పెషల్ కోర్ట్ ఆఫ్ ఆర్బిట్రేషన్ & హ్యూమన్ రైట్స్,UNO ముఖ్యమైన విభాగం NATOతో రిజిస్టర్ చేయబడిన యూరోపియన్ యూనియన్, యూఎస్ఏ అనేక ఇతర దేశాలలో ఈనెల 24న ఫిలిప్పీన్స్ లోని క్యూజన్ నగరంలోని హోటల్ లోని ఆటం హోటల్ లో 5వ ప్రపంచ కాంగ్రెస్ ని నిర్వహించింది. ఈ సమావేశానికి NASDP సెక్రెటరీ జనరల్ AMB జనరల్ సర్ దివాకర్ చంద్ర సర్కార్ అధ్యక్షత వహించారు. ఫిలిప్పీన్స్ దేశ పాలసీ అడ్వైజర్ చీఫ్ మిస్ క్లారిటా ఆర్ కార్లోస్, ఆరోగ్య మంత్రి, నేవీ, ఎయిర్ వింగ్, గ్రౌండ్ ఫోర్స్ కు చెందిన 12 మంది మిలటరీ జనరల్స్, అనేకమంది బ్రీగేడ్ జనరల్స్, ఇన్ స్పెక్టర్ జనరల్ ఆఫ్ పోలీస్, కల్నల్ లు, దేశాల డిప్యూటీ మంత్రులు, దౌత్యవేత్తలు, ఇతర దేశాల నుంచి ప్రతినిధులు, ఇండియా నుంచి డాక్టర్ నరేష్ విజయకృష్ణ సన్మానాలు స్వీకరించేందుకు హాజరయ్యారు.

పోలీస్, డిఫెన్స్ జాతీయ ప్రధాన కార్యాలయంలో ఉగ్రవాదంపై డాక్టర్ నరేష్ చేసిన ఉపన్యాసాలు ప్రశంసలు అందుకున్నాయి. డాక్టర్ నరేష్ విజయకృష్ణకు నైట్ ఫుడ్, అత్యున్నత బిరుదు సర్ ను ప్రదానం చేశారు. మిలిటరీ ఆర్ట్స్, హ్యూమన్ సర్వీస్ లో గౌరవ డాక్టరేట్, పీహెచ్ డీతో సత్కరించారు. ఆర్బిట్రేషన్ & శాంతి మధ్యవర్తిత్వానికి సహచరుడిగా గుర్తించారు. పౌర హక్కుల సంరక్షకుడు బిరుదుతో గౌరవించారు. అంతర్జాతీయంగా పూర్తి దౌత్య నిరోధక శక్తితో NASDP ఇంటర్నేషనల్ కౌంటర్ టెర్రరిజం సెంటర్ లో మిలిటరీ ఆర్ట్స్ గుడ్ విల్ అంబాసిడర్, లెఫ్టినెంట్ కల్నల్, సూపరింటెండెంట్ ఆఫ్ ఇండియన్ కమాండ్ గా డాక్టర్ నరేష్ విజయకృష్ణ నియమించబడ్డాడు.

డాక్టర్ నరేష్ తన స్వాగత ప్రసంగంలో.. ప్రభుత్వాలు, ఐక్యరాజ్యసమితి సంస్థలతో పాటు ఉగ్రవాదాన్ని నిర్వీర్యం చేయడం, అరికట్టడంలో మీడియాకు గొప్ప బాధ్యత ఉందని చెప్పారు. ఈ కంపెయిన్ ని ఒక సెలబ్రిటీ, దౌత్యవేత్తగా ముందుకు తీసుకెళ్తానని పేర్కొన్నారు. ప్రతి విద్యార్థిని జాతీయ క్యాడెట్ కార్ప్స్, ఇతర దేశాలలో దేశం పట్ల బాధ్యత భావాన్ని తీసుకురావడానికి నియమించాలని అన్నారు.AMB లెఫ్టినెంట్ కల్నల్ సర్ ph.D గౌరవం అందుకున్న డాక్టర్ నరేష్ విజయకృష్ణకు ప్రముఖులు అభినందించారు. దేశంలో ఇలాంటి గౌరవాలు, పోస్టింగ్ లు అందుకున్న మొదటి నటుడు నరేష్. థాయ్ లాండ్ కు చెందిన డాక్టర్ క్రిజ్, లైఫ్ స్టైల్ స్పెషలిస్ట్, యూనివర్సిటీ అధినేత డాక్టర్ సురేష్ అగర్వాల్, ప్రముఖ నటి పవిత్రా లోకేష్ సమావేశానికి హాజరై కళారంగంలో అందించిన సేవలకుగాను మెడల్ అందుకున్నారు. నటుడిగా 50 సంవత్సరాలు పూర్తి చేసుకుని చిత్ర పరిశ్రమలో తన స్వర్ణోత్సవ జరుపుకున్న డాక్టర్ నరేష్ విజయకృష్ణకు ఇది మరో అరుదైన గౌరవం.