ప్రపంచవ్యాప్తంగా రెబల్ స్టార్ ప్రభాస్కు ఉన్న ఫాలోయింగ్ గురించి ప్రత్యేకంగా చెప్పాల్సిన అవసరమే లేదు. బాహుబలి సినిమాతో ఒక్కసారిగా డార్లింగ్ క్రేజ్ మారిపోయింది. ఈ మూవీలో ప్రభాస్ నటనకు విమర్శకులే ఫిదా అయ్యారు. కానీ ఆ తర్వాత డార్లింగ్ నటించిన సాహో, రాధేశ్యామ్, ఆదిపురుష్ సినిమాలు మాత్రం అభిమానులను తీవ్రంగా నిరాశపరిచాయి. దీంతో ఇప్పుడు ఫ్యాన్స్ ఆశలన్నీ సలార్, కల్కీ చిత్రాలపైనే ఉన్నాయి. ఈ రెండు సినిమాలు భారీ బడ్జెట్ తో అత్యంత ప్రతిష్టాత్మకంగా నిర్మిస్తున్నారు.
Advertisement
ఇక త్వరలోనే సలార్ మూవీ అడియన్స్ ముందుకు రాబోతుంది. మరోవైపు ప్రభాస్ ఫ్యాన్స్ కు గుడ్ న్యూస్ చెప్పారు మేకర్స్. డార్లింగ్ కెరీర్లోనే వన్ ఆఫ్ ది బ్లాక్ బస్టర్ హిట్ మూవీ ఛత్రపతి మరోసారి థియేటర్లలోకి రాబోతుంది. ప్రభాస్, శ్రియా జంటగా నటించిన ఛత్రపతి సినిమాకు ఎస్.ఎస్. రాజమౌళి దర్శకత్వం వహించారు. 2005లో విడుదలైన ఈ సినిమా బ్లాక్ బస్టర్ హిట్ అయ్యింది. అప్పట్లో ఈ సినిమా ఏకంగా రూ.30 కోట్లు కలెక్షన్స్ రాబట్టింది. పూర్తిగా మాస్ యాక్షన్ నేపథ్యంలో వచ్చిన ఈ సినిమాలో భానుప్రియ కీలకపాత్ర పోషించారు. దాదాపు 18 ఏళ్ల తర్వాత ఈ సినిమాను మరోసారి రిలీజ్ చేసేందుకు ఏర్పాట్లు చేస్తున్నారు.
Advertisement
ప్రభాస్ పుట్టినరోజు సందర్భంగా ఈ నెల 23న ఈ సినిమాను మరోసారి రిలీజ్ చేసేందుకు రంగం సిద్ధం చేశారు. దీనిని 4కే వెర్షన్ లో అడియన్స్ ముందుకు తీసుకువస్తున్నారు. ఈ సినిమాకు సంబంధించిన బుకింగ్స్ అన్నింటిని త్వరలోనే ప్రారంభించనున్నారు. ఈ సినిమాలో కోట శ్రీనివాస్ రావు, ప్రదీప్ రావత్, జై ప్రకాష్ రెడ్డి కీలకపాత్రలు పోషించారు. ఈ చిత్రానికి ఎంఎం కీరవాణి సంగీతం అందించగా.. బీవీఎస్ఎన్ ప్రసాద్ నిర్మాతగా ఉన్నారు. సలార్ కంటే ముందే మరోసారి డార్లింగ్ అభిమానులకు స్పెషల్ సర్ ప్రైజ్ ఇవ్వబోతున్నారు.
మరికొన్ని ముఖ్యమైన వార్తలు :
‘లియో’ సినిమాలో యాక్టర్స్ రెమ్యూనరేషన్ తెలిస్తే ఆశ్చర్యపోవాల్సిందే..!
