సుమ కొడుకు సినిమాకి టైటిల్ ప్రకటించిన రాజమౌళి.. మూవీ పేరు ఏంటంటే ?

తెలుగు సినిమా ఇండస్ట్రీలో యాంకర్ గా   మంచి గుర్తింపు సంపాదించుకున్న వారిలో సుమ కనకాల ఒకరు.  ఈమె నటుడు రాజీవ్ కనకాలతో ఏడడుగులు నడిచి తెలుగు చిత్ర పరిశ్రమలోనే యాంకర్ గా కొనసాగుతూ ఎంతో మంచి సక్సెస్ అందుకున్న విషయం దాదాపు మనందరికీ తెలిసిందే. ఇలా సుమా, రాజీవ్ ఇద్దరు కూడా తెలుగు చిత్ర పరిశ్రమలో కెరీర్ పరంగా ఎంతో బిజీగా ఉన్నారు. ఇక వీరి కుమారుడు రోషన్ గురించి అందరికీ దాదాపు అందరికీ తెలిసే ఉండవచ్చు. ఇన్ని రోజులు చదువుల నిమిత్తం సినిమా ఇండస్ట్రీకి దూరంగా ఉన్నటువంటి రోషన్ త్వరలోనే హీరోగా ఇండస్ట్రీకి పరిచయం కాబోతున్నారు అనే విషయం తెలిసిందే.

ఇదివరకే రోషన్ నటించబోతున్నటువంటి సినిమా నుంచి ఆయన ఫస్ట్ లుక్ పోస్టర్ విడుదల చేశారు. అయితే ఇప్పటివరకు ఈ సినిమాకి ఎలాంటి టైటిల్ అనౌన్స్ చేశారు. ఈ సినిమా అప్డేట్..  ఏంటి అనే విషయాలను మాత్రం వెల్లడించలేదు. అయితే తాజాగా రోషన్ హీరోగా ప్రేక్షకులకు పరిచయం కాబోతున్నటువంటి సినిమాకు టైటిల్ ప్రముఖ దర్శకుడు ఎస్ ఎస్ రాజమౌళి ప్రకటించారు. ఈ నేపథ్యంలోనే రోషన్ ఫస్ట్ సినిమా టైటిల్ పోస్టర్ ను దర్శక ధీరుడు రాజమౌళి విడుదల చేశారు. ఈ చిత్రానికి బబుల్ గమ్ అనే టైటిల్ ఖరారు చేసినట్టు తాజాగా టైటిల్ పోస్టర్ చూస్తేనే అర్థమవుతుంది. ఇక ఈ టైటిల్ కి అనుగుణంగా ఇందులో రోషన్ బబుల్ గమ్ నములుతూ కనిపించారు.

ఈ కార్యక్రమంలో భాగంగా రాజమౌళి మాట్లాడుతూ చిత్ర బృందానికి ఆల్ ద బెస్ట్ తెలియజేశారు. అలాగే నటుడిగా ఇండస్ట్రీలో ఎంతో మంచి సక్సెస్ అందుకొని సుమా రాజీవ్ పేర్లను నిలబెట్టాలి అంటూ రాజమౌళి ఆకాంక్షించారు. అయితే రాజమౌళి వ్యాఖ్యలపై రోషన్ స్పందిస్తూ.. కృతజ్ఞతలు తెలియజేయడమే కాకుండా మీరు చేసే ప్రతి ఒక్క సినిమా కూడా నాపై చాలా ప్రభావాన్ని చూపించాయి అంటూ ఈయన మాట్లాడారు. మరి హీరోగా సుమా కొడుకు ఇండస్ట్రీకి పరిచయం కాబోతున్నారు అనగానే ఈ సినిమాపై ఎన్ని అంచనాలు పెరిగిపోయాయి. మరి హీరోగా సుమా కొడుకు ఇండస్ట్రీలో సక్సెస్ కావాలని ఎంతోమంది అభిమానులు ఆకాంక్షిస్తున్నారు.

మరికొన్ని ముఖ్యమైన వార్తలు : 

Prabhas : పెళ్లి చేసుకున్న ప్రభాస్, అనుష్క?… వైరల్ అవుతోన్న పిక్స్..

నమస్కారం పెట్టలేదని ఆ హీరో సినిమా నుంచి తీసేశారు.. ఎడిటర్ వ్యాఖ్యలు వైరల్..!