దర్శక ధీరుడు రాజమౌళి దర్శకత్వంలో తెరకెక్కిన ఆర్ఆర్ఆర్ మూవీ తర్వాత చాలా విషయాలలో జూనియర్ ఎన్టీఆర్, రామ్ చరణ్ ల మధ్య కంపారిజన్లు వస్తున్న విషయం తెలిసిందే. అయితే ఈ ఇద్దరూ హీరోలకు వ్యక్తిగతంగా ఎలాంటి మనస్పర్ధాలు లేకున్నా కూడా ఈ హీరోల అభిమానులు మాత్రం తమ హీరోల మధ్య ఎక్కువ, తక్కువలు చూస్తూ సోషల్ మీడియాలో హల్ చల్ చేస్తుంటారు.
ప్రస్తుతం రామ్ చరణ్ శంకర్ దర్శకత్వంలో గేమ్ చెంజర్ సినిమాలో నటిస్తున్నాడు. పొలిటికల్ యాక్షన్ థ్రిల్లర్ గా రాబోతున్న ఈ సినిమాను భారీ బడ్జెట్ తో దిల్ రాజు నిర్మిస్తున్నారు. రామ్ చరణ్ సరసన బాలీవుడ్ నటి కియార అద్వానీ హీరోయిన్ గా నటిస్తుంది. ఇందులో సునీల్, అంజలి, యస్ జె సూర్య, హీరో శ్రీకాంత్ లు ప్రధాన పాత్రలలో కనిపించబోతున్నారు. దాదాపు షూటింగ్ చివరి దశకు చేరుకుంది. ఈ సినిమా సమ్మర్ లో విడుదల చేయడానికి ప్లాన్ చేస్తున్నారు మూవీ మేకర్స్. అయితే రామ్ చరణ్ ప్రస్తుతం గేమ్ చెంజర్ సినిమా చేస్తూనే మరో పక్కా బుచ్చి బాబుతో చేయబోయే సినిమా టెస్ట్ షూట్ లలో కూడా పాల్గొంటున్నారు. ఇప్పటికే బుచ్చిబాబు సినిమాకు సంబంధించి మ్యూజిక్ సిట్టింగ్స్ కూడా స్టార్ట్ అయ్యాయట.
Advertisement
Advertisement
ఇక ఎన్టీఆర్ సినిమా విషయానికొస్తే ఆయన ప్రస్తుతం కొరటాల శివ దర్శకత్వంలో దేవర సినిమాలో నటిస్తున్నాడు. హై ఎండ్ యాక్షన్ ఎంటర్టైనర్ తెరకెక్కుతున్న ఈ సినిమా వచ్చే ఏడాది ఏప్రిల్ లో రిలీజ్ అవ్వడానికి సిద్ధంగా ఉంది. అయితే ఈ సినిమా తరువాత ఎన్టీఆర్ తర్వాత ఏ సినిమా చేస్తాడనే విషయంపై క్లారిటీ లేదు. దేవర తర్వాత ఎన్టీఆర్ హృతిక్ రోషన్ తో కలిసి వార్ 2 సినిమా చేస్తాడని ఇప్పటికే కన్ఫామ్ అయిన కూడా.. ఈ ప్రాజెక్టు పై అందరిలో చాలా వరకు అనుమానాలు ఉన్నాయి. దానికి కారణం బాలీవుడ్ లో హృతిక్ రోషన్ పెద్ద హీరో కాబట్టి, ఎన్టీఆర్ పాత్రకు ఆయనతో సమానంగా ప్రాముఖ్యత ఉంటుందా.. ఉండదా అనేది తెలియడం లేదు. ఇక ఈ సినిమాతో పాటు ప్రశాంత్ నీల్ కూడా ఎన్టీఆర్ తో సినిమా చేయడానికి రెడీగా ఉన్నాడు. కానీ ఆయనకు సలార్ పార్ట్ 1 మరియు పార్ట్ 2 రిలీజ్ లతో బిజీగా ఉన్నాడు. దీన్ని బట్టి చూస్తే రామ్ చరణ్ సినిమాల ఎంపిక మరియు షూటింగ్ పరంగా ఎన్టీఆర్ కంటే ముందే ఉన్నాడని చెప్పవచ్చు. దీనిపై ప్రస్తుతం సోషల్ మీడియాలో మీమ్స్ ట్రెండ్ అవుతున్నాయి.
మరికొన్ని ముఖ్యమైన వార్తలు :
Varshini Sounderajan : పెళ్లి పీటలెక్కనున్న యాంకర్ వర్షిణి ?
