టాలీవుడ్ అగ్ర దర్శకుల్లో ఒకరైన త్రివిక్రమ్ శ్రీనివాస్ ఏ ముహుర్తాన సినిమా ప్రారంభించారో కానీ.. ఈ సినిమాకు అన్ని ఆటంకాలే ఎదురవుతున్నాయి. సూపర్ స్టార్ మహేష్ బాబుతో త్రివిక్రమ్ గుంటూరు కారం అనే మూవీ చేస్తున్న విషయం తెలిసిందే. తొలుత ఓ బారీ యాక్షన్ మూవీ తెరకెక్కించాలని అనుకున్నాడట దర్శకుడు త్రివిక్రమ్. ఓ షెడ్యూల్ కూడా షూటింగ్ జరిపించారట. కానీ ఆ సినిమా ఔట్ పుట్ నచ్చని మహేష్ బాబు వెంటనే షూటింగ్ ఆపించేసి ఫ్యామిలీ ఎంటర్టైనర్ చేద్దామని చెప్పాడట.
Advertisement
తన బాగా తెలిసిన కొంత మంది ఘోస్ట్ రైటర్స్ టీమ్ ని ఇచ్చారు త్రివిక్రమ్. చాలా కాలం వరకు షూటింగ్ నిలిచిపోయిన ఈ సినిమా ఎట్టకేలకు కొద్ది నెలల తరువాత ప్రారంభమైంది. షూటింగ్ ప్రారంభమై.. 10 రోజుల పాటు పూర్తి చేసుకున్న తరువాత మహేష్ బాబుకి ఔట్ పుట్ అస్సలు నచ్చలేదట. మళ్లీ మార్పులు, చేర్పులు చెప్పాడట. రెండు నెలల పాటు షూటింగ్ ఆగిపోయిన ఈ మూవీలో చాలా మార్పులు చేర్పులు జరిగాయి. తొలుత హీరోయిన్స్ గా పూజాహెగ్దే.. శ్రీలీల తీసుకున్నారు. శ్రీలీల సెకండ్ హీరోయిన్ కాగా.. పూజా హెగ్దే మెయిన్ హీరోయిన్.. ఆ తరువాత కొద్ది రోజులకు పూజా హెగ్దే ఈ మూవీ నుంచి తప్పుకుంది. ఈ సినిమా నుంచి ఆమె తప్పుకోవడంతో సెకండ్ హీరోయిన్ శ్రీలీల కాస్త మెయిన్ హీరోయిన్ అయింది.
Advertisement
సెకండ్ హీరోయిన్ కోసం మీనాక్షి చౌదరిని అడుగుతున్నారట. ఇదిలా ఉంటే.. రీసెంట్ గా ఈ మూవీ నుంచి సినిమాటోగ్రాఫర్ పీఎస్ వినోద్ తప్పుకున్నాడు. త్వరలోనే సంగీత దర్శకుడు థమన్ కూడా తప్పుకుంటున్నాడని ఇండస్ట్రీ వర్గాల్లో ఎప్పటి నుంచో టాక్ వినిపిస్తుంది. గుంటూరు కారం కోసం థమన్ ఇస్తున్న ట్యూన్స్ ఒక్కటి కూడా త్రివిక్రమ్ కి నచ్చడం లేదట. దీని వల్ల వీరిద్దరి మధ్య విభేదాలు వచ్చాయని ఇండస్ట్రీ వర్గాల్లో టాక్ వినిపిస్తోంది. సమయానికి ట్యూన్స్ ఇవ్వడం లేదని.. థమన్ వల్ల షూట్ చేయాల్సిన ఓ సాంగ్ షెడ్యూల్ కూడా వాయిదా వేయాల్సి వచ్చిందని ఫైర్ మీద ఉన్నాడట. దీంతో థమన్ ని తప్పించి జీవీ ప్రకాశ్ కుమార్ లేదా అనిరుధ్ ని తీసుకునే ఆలోచనలో ఉన్నారట మేకర్స్. అనిరుధ్ ని ఈ మూవీ కోసం తీసుకుంటే మంచి ప్లస్ అవుతుందనే చెప్పాలి. ఇటీవల అతను మంచి ఫామ్ లో ఉన్నాడు. ఈ సినిమాకి కూడా కచ్చితంగా అదరగొట్టేస్తాడనే అంటున్నారు అభిమానులు.
మరికొన్ని ముఖ్యమైన వార్తలు :
కల్కి టీజర్ మొత్తం కమల్ హాసన్నే ఉన్నాడంటూ ట్విస్ట్ ఇచ్చిన నాగ్ అశ్విన్..! ఇంతకీ ఎక్కడా..?
