తగ్గేదేలే.. విరాట్‌ కోహ్లీకి ధమ్కీ ఇచ్చిన దాదా

ఐపీఎల్‌ 2023 టోర్నీ చాలా రసవత్తరంగా కొనసాగుతోంది. ఇప్పటికే 22 మ్యాచ్‌ పూర్తి అయ్యాయి. ఇక రెండు రోజుల కిందట బెంగళూరు మరియు ఢిల్లీ మధ్య చిన్న స్వామి స్టేడియంలో మ్యాచ్‌ జరిగింది. ఇందులో బెంగళూరు విక్టరీ కొట్టింది. ఇదంతా పక్కకు పెడితే.. విరాట్ కోహ్లీ, సౌరవ్ గంగూలీ మధ్య విభేదాలు ఉన్నాయన్నది బహిరంగ విషయం. కోహ్లీ కెప్టెన్సీ తొలగింపులో పరోక్షంగా గంగూలి పాత్ర ఉందన్నది అందరికీ తెలిసిందే.

READ ALSO : Pawan Kalyan : పవన్ కళ్యాణ్ తో నాని హీరోయిన్ రొమాన్స్

అయితే తాజాగా ఐపీఎల్ 16వ సీజన్ లో ఈ ఇద్దరు మరోసారి ఎదురుపడ్డారు. గంగూలీ ప్రస్తుతం ఢిల్లీ క్యాపిటల్స్ డైరెక్టర్ గా ఉన్నాడు. శనివారం ఢిల్లీ క్యాపిటల్స్ ఆర్సిబి మధ్య మ్యాచ్ జరిగింది. మ్యాచ్ లో ఢిల్లీ ఇన్నింగ్స్ సందర్భంగా కోహ్లీ గంగూలిని కోపంగా చూస్తూ ఇచ్చిన లుక్ సోషల్ మీడియాలో వైరల్ గా మారింది. సిరాజ్ బౌలింగ్ లో అమన్ హకీమ్ షాట్ ఆడే ప్రయత్నంలో బౌండరీ దగ్గర కోహ్లీకి దొరికిపోయాడు. ఇదే సమయంలో ఢిల్లీ డగౌట్ దగ్గరే ఉన్న కోహ్లీ వెనక్కి నడుచుకుంటూ వెళ్లి దాదావైపు ఒక లుక్ ఇచ్చాడు. అటు గంగూలీ కూడా కోహ్లీని సీరియస్ గానే చూశాడు.

READ ALSO :  Ileana :పెళ్లి కాకుండానే తల్లి కాబోతున్న ఇలియానా….

అయితే మ్యాచ్ ముగిసిన తర్వాత ఈ ఇద్దరు మరోసారి ఎదురుపడ్డారు. ఈసారి కోహ్లీ, గంగూలికి షేక్ హ్యాండ్ ఇచ్చేందుకు నిరాకరించాడు. దీనికి సంబంధించిన వీడియో సోషల్ మీడియాలో వైరల్ గా మారింది. ఇక తాజాగా గంగూలీని సోషల్‌ మీడియాలో అన్‌ ఫాలో చేశాడు కోహ్లీ. దీంతో ఈ వివాదం తారా స్థాయికి చేరింది. అక్కడితో ఆగకుండా.. గంగూలీ కూడా ఏం మాత్రం తగ్గడం లేదు. కోహ్లీని సోషల్‌ మీడియాలో అన్‌ ఫాలో చేశాడు గంగూలీ. దీంతో కోహ్లీ దూల తీరిందని నెటిజన్లు కామెంట్లు పెడుతున్నారు.

READ ALSO : IPL 2023 : గాయమైనా.. జట్టు కోసం పోరాడిన RCB కెప్టెన్