రాజమౌళి దర్శకత్వంలో వచ్చిన రీసెంట్ బ్లాక్బస్టర్ ఆర్ఆర్ఆర్. ఈ సినిమాలో ఎన్టీఆర్, రామ్ చరణ్ హీరోలుగా నటించారు. భారీ బడ్జెట్ తో తేరకేక్కిన ఈ సినిమాలో రామ్ చరణ్ కు జోడిగా బాలీవుడ్ హీరోయిన్ అలియా భట్ నటించగా ఎన్టీఆర్ కు జోడిగా హాలీవుడ్ నటి ఒలీవియా మోరీస్ నటించిన సంగతి తెలిసిందే. పాన్ ఇండియా మూవీగా 1000 కోట్లకు పైగా భారీ వసూళ్లను ఆర్ఆర్ఆర్ సినిమా సాధించిన విషయం తెలిసిందే.
Advertisement
అయితే ఆర్ఆర్ఆర్ సినిమా అవార్డుల పంట కురిపిస్తుంది. ఇప్పటికే గోల్డెన్ గ్లోబ్ క్రిటిక్ సహా పలు అంతర్జాతీయ అవార్డులు గెలుచుకున్న ఈ సినిమాను ఇప్పుడు మరో నాలుగు అంతర్జాతీయ అవార్డులు వరించాయి. అమెరికాలోని కాలిఫోర్నియాలో జరుగుతున్న హాలీవుడ్ క్రిటిక్ అసోసియేషన్ అవార్డుల ప్రధాన ఉత్సవంలో భాగంగా నాలుగు కేటగిరిలో ఆర్ఆర్ఆర్ సినిమా అవార్డులు గెలుచుకుంది. ఒకేసారి నాలుగు అవార్డులు అందుకున్న తొలి భారతీయ సినిమాగా రికార్డు సృష్టించింది.
Advertisement
బెస్ట్ ఇంటర్నేషనల్ ఫిలిం, బెస్ట్ యాక్షన్ ఫిలిం, బెస్ట్ ఒరిజినల్ సాంగ్, బెస్ట్ స్టంట్స్ కేటగిరీలో ఆర్ఆర్ఆర్ సినిమాకు హెచ్సీఏ అవార్డులు వరించాయి. రాజమౌళి, కీరవాణి, రామ్ చరణ్ ఈ అవార్డులను అందుకున్నారు. కాగా బెస్ట్ పిక్చర్, బెస్ట్ డైరెక్టర్ కేటగిరి లోను ఆర్ఆర్ఆర్ సినిమా హెచ్సిఏ అవార్డుల కోసం నామినేట్ అయింది. కాని వాటిలో నిరాశ ఎదురయింది. ఈ రెండు కేటగిరిలో ఎవ్రీథింగ్ ఎవ్రీవేర్ ఆల్ ఎట్ ది వన్స్ సినిమా అవార్డులు గెలుచుకోవడం గమనార్హం.
READ ALSO : ఆ కారణంగానే తారకరత్న డిప్రెషన్ లోకి వెళ్లిపోయారు : కోచ్
